Nábidos

Os nabidos (Nabidae) son unha familia de insectos hemípteros. Comprende unhas 500 especies en 20 xéneros.^[1] Teñen corpos brandos, alongados, e son predadores terrestres. Moitos deles capturan e reteñen presas coas súas patas anteriores, similares ás dos mántidos. Considéranse especies útiles para a agricultura debido a que depredan moitos tipos de pragas dos cultivos.^[2]

Nábidos Rango fósil: Cenomaniano-Recente PreЄ Є O S D C P T J K Pg N
Nabis rugosus
Clasificación científica
Reino: Animalia Filo: Arthropoda Clase: Insecta Orde: Hemiptera Suborde: Heteroptera Infraorde: Cimicomorpha Familia: Nabidae Costa, 1853
Subfamilias
Nabinae Prostemmatinae

Nabis biformis

Prostemma albimacula

Himacerus apterus

Os nábidos do xénero Nabis son os máis comúns. Eles e outros xéneros son máis numerosos en campos de legumes como os de alfalfa, pero poden encontrarse en moitos outros cultivos e en áreas non cultivadas. En cor son de amarelos a pardos e teñen ollos grandes bulbosos e patas tipo zanco. Son predadores xeneralistas, capturando case calquera insecto que sexa máis pequeno ca eles e canibalízanse entre eles cando non dispoñen doutra comida. Varias especies poden morder aos humanos.^[3] Os membros da subfamilia Prostemmatinae reprodúcense por inseminación traumática.^[4]

Xéneros

Estes 23 xéneros pertencen á familia Nabidae:

• Alloeorhynchus Fieber, 1860 ^{i c g b}
• Alloeorrhynchus ^{c g}
• Anaptus Kerzhner, 1968 ^{i c g}
• Arachnocoris Scott, 1881 ^g
• Arbela Stål, 1865 ^g
• Carthasis Champion, 1900 ^{i c g b}
• Gorpis Stål, 1859 ^g
• Himacerus Wolff, 1811 ^{i c g b}
• Hoplistoscelis Reuter, 1890 ^{i c g b}
• Karanabis Bekker-Migdisova, 1963 ^g
• Lasiomerus Reuter, 1890 ^{i c g b}
• Metatropiphorus Reuter, 1872 ^{i c g b}
• Nabicula Kirby, 1837 ^{i c g}
• Nabis Latreille, 1802 ^{i c g b}
• Omanonabis Asquith e Lattin, 1991 ^{i c g}
• Pagasa Stål, 1862 ^{i c g b}
• Phorticus Stål, 1860 ^{i c g b}
• Praecarthasis Kerzhner, 1986 ^g
• Prostemma Laporte, 1832 ^g
• Reduviolus Kirby, 1837 ^g
• Rhamphocoris Kirkaldy, 1901 ^g
• Stalia
• Stenonabis Reuter, 1890 ^g

Fontes dos datos: i = ITIS,^[5] c = Catalogue of Life,^[6] g = GBIF,^[7] b = Bugguide.net^[8]

Historia evolutiva

Varios xéneros de fósiles foron atribuídos á familia, incluíndo Karanabis do Xurásico superior da formación Karabastau de Kazakhstán, pero foi despois asignado a outras familias. O rexistro definitivo máis temperán da familia é Cretanazgul do Cenomaniano atopado en ámbar birmano, que pertence á subfamilia Prostemmatinae.^[4]