Netta

Netta é un xénero de aves da orde das anseriformes, familia dos anátidos e subfamilia dos aitinos.

Netta
Netta rufina macho Netta rufina femia
Clasificación científica
Reino: Animalia Filo: Chordata Subfilo: Vertebrata Clase: Aves Orde: Anseriformes Familia: Anatidae Subfamilia: Aythynae Xénero: Netta Kaup, 1829
Especies
Véxase o texto

Taxonomía

Descrición

O xénero foi descrito en 1829 polo naturalista alemán Johann Jakob Kaup.^[1][2]

Etimoloxía

O nome científico Netta deriva do grego antigo netta, "pato".^[3]

Especies

No xénero recoñécense tres especies:^[1][2][4]

Imaxe	Nome científico	Nome vulgar	Distribución
	Netta erythrophthalma	—————————	Suramérica, África
	Netta peposaca	Parrulo patagónico	Suramérica
	Netta rufina	Parrulo rubio	Europa central, sur de Asia, Norte de África

Nota taxonómica

O pato de cabeza rosa, probabelmente extinto, anteriormente foi clasificado como Rhodonessa caryophyllacea, pero demostrouse recentemente mediante análises filoxenéticas estreitamente relacionado co pato rubio,^[5] polo que agora foi transferido ao mesmo xénero, como Netta caryophyllacea.

Porén, isto foi cuestionado debido ás numerosas e pronunciadas peculiaridades desa especie.

Características

Netta é un xénero de patos mergulladores. Pero a diferenza doutros patos mergulladores (anatinos), son reticentes a mergullarse e aliméntanse como os patos non mergulladores.

Son patos gregarios, que se encontran principalmente na auga doce.

Son bos voadores; as súas ás anchas e de punta roma requiren batidos máis rápidos que os de moitos patos, e despegan con certa dificultade. Non camiñan ben na terra como os patos terrestres porque as súas patas adoitan situarse máis atrás para axudarlles a impulsalas cando están baixo a auga.