Novembro

Novembro ou san Martiño^[1] é o undécimo mes do ano no calendario gregoriano e ten 30 días. O seu nome deriva de ter sido o noveno mes do calendario romano.

<<	Novembro					>>
Lu	Ma	Mé	Xo	Ve	Sá	Do
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
2025 Todos os días

Novembro ilustrado no libro de horas Les Très Riches Heures du Duc de Berry, manuscrito do s. XV.

En Galicia recibe diferentes denominacións populares: Mes santo, Mes de Santos, Mes morto, Mes dos mortos ou San Martiño.

Acontecementos en novembro

• Día 1: Día de Tódolos Santos.
• Día 2: Día de Defuntos.

• Primeiro xoves: Día Mundial da Preservación dixital.^[2]
• Segundo domingo: Día Mundial do Enoturismo ^[3]
• Terceiro domingo: Día Mundial en memoria das Vítimas de Accidentes de Tráfico. Foi establecido en 2005 pola Asemblea Xeral da ONU .

Novembro na cultura popular galega

Artigo principal: Novembro na cultura popular galega.

• Normalmente é cando se realiza a mata ou matanza dos porcos nas aldeas, contra o día de san Martiño.
• Aínda se fan magostos.

Refraneiro

• Por santo André, toma o porco polo pé ^[4]
• Por santa Erea, toma os bois e semea; por san Martiño, nin fabas nin liño ^[5]
• Santos e natal, inverno carnal.