O Aaiún

O Aaiún^[1] ou O Aiún^[2][3] (en castelán: El Aaiún, en francés: Laâyoune, en árabe: العيون [Al-Ayun]) é unha cidade do Sáhara Occidental, considerada a súa capital pola autoproclamada República Árabe Saharauí Democrática, pero na práctica atópase ocupada e administrada por Marrocos,​ como a maior parte do Sáhara Occidental. Está situada no interior do territorio, a 28 km da costa norte, xunto ao leito seco do río Saguia el Hamra, na rexión homónima.

O Aaiún

العيون (ar) El Aaiún (es)
Localización
27°09′N 13°12′O
Territorio reivindicado por	ONU
Monarquía constitucional	Marrocos
Rexión	Laâyoune-Sakia El Hamra
Provincia	Laâyoune (pt)
Capital de	Sáhara Occidental Laâyoune-Sakia El Hamra (2015–)
Poboación
Poboación	262.791 (2024) (3.143,43 hab./km²)
Número de fogares	48.049 (2014)
Lingua oficial	lingua árabe
Xeografía
Superficie	83,6 km²
Altitude	72 m
Creación	1938
Organización política
• Alcalde	Moulay Hamdi Ould Errachid (en)
Identificador descritivo
Fuso horario	UTC±00:00 (→ horario de verán) UTC+01:00 (→ Províncias Meridionais (pt) )
Outro
Irmandado con	Caracas Montevideo Lorca Sorrento (pt) Avilés Málaga Almería Sesto Fiorentino (pt)

Rúa céntrica do Aaiún.

A cidade contaba no ano 2014 cunha poboación dunhas 217.732 persoas, sendo a maior de todo o Sáhara Occidental.

Historia

Foi fundada en 1938 e foi a capital do territorio de Saguia el Hamra. En 1967 tiña unha poboación de 16.300 habitantes (9.700 saharauís e 6.600 españois), e 42.500 en 1974 (24.000 saharauís e 17.500 españois).

En 2005, a cidade foi escenario de graves protestas en contra da ocupación marroquí e en apoio á independencia e da Fronte Polisario. Estas protestas tamén se produciron noutros núcleos urbanos do Sáhara Occidental, e nalgúns centros universitarios de todo Marrocos. A cidade foi recoñecida como a capital da República Árabe Saharauí Democrática por 82 estados.