Outeiro de Rei, Outeiro de Rei

San Xoán de Outeiro de Rei é unha parroquia do concello de Outeiro de Rei na comarca de Lugo, na provincia de Lugo. No ano 2007 tiña 556 habitantes, deles 264 eran homes e 292 eran mulleres, o que supón un incremento de 100 habitantes en relación ao ano anterior, 2006.

Para outras páxinas con títulos homónimos véxase: Outeiro de Rei.

Outeiro de Rei
Casa do Concello.
Concello	Outeiro de Rei[1]
Provincia	Lugo
Coordenadas	43°06′05″N 7°36′53″O
Poboación	771 hab. (2020)
Entidades de poboación	4[1]
[ editar datos en Wikidata ]

Toponimia

A orixe do topónimo Outeiro é o latín altarium, que é unha parte alta ou elevación do terreo.^[2][3]

Historia

A capital do Concello, á cal se lle outorgou o título de vila durante a Idade Moderna, estivo baixo a xurisdición do Conde de Lemos, Trastámara e Sarria dende o ano 1360. Durante século e medio a vila pasou por mans de Fadrique de Aragón, Gutierre de Quijada e Pedro de Luna entre outros, e en 1501 reintegrouse ao patrimonio da casa de Lemos mediante privilexio da raíña Isabel I de Castela.

Patrimonio

Casa-forte de Outeiro de Rei, tamén chamada "da señorita", fundada polo conde O´Kelly.

Muíño e capela emprazados no Campo de Santa Isabel.

Servizos

A Casa do Concello, un edificio tradicional de dúas plantas, con porta de acceso de lintel de arco de medio punto, balcón de ferro e frontón cornixa, cun frontispicio triangular onde se distingue o escudo do Concello.

Colexio de Educación Infantil e Primaria Laverde Ruiz. Casa da Cultura onde se atopa a Biblioteca Municipal, un PAC, un Centro de Saúde e unha residencia de anciáns privada "Residencial Carlos IV".

Festas

• Santa Isabel, celébrase durante tres días no mes de xullo.

Galería de imaxes

• 
  Campo de Santa Isabel
• 
  Capela de Santa Isabel
• 
  Casa Museo Manuel María
• 
  Igrexa parroquial
• 
  Pazo Gaioso

Lugares e parroquias

Lugares de Outeiro de Rei

Lugares da parroquia de Outeiro de Rei no concello de Outeiro de Rei (Lugo)
Barciela | Cantón | Outeiro de Rei | A Palloza | Santa Isabel

Parroquias de Outeiro de Rei

Galicia | Provincia de Lugo | Parroquias de Outeiro de Rei

Arcos (San Pedro) | Aspai (San Cibrao) | Bonxe (San Mamede) | Caboi (San Martiño) | Candai (San Vicente) | Castelo de Rei (San Salvador) | Cela (Santa María) | Folgueira (San Nicolás) | Francos (Santiago) | Guillar (San Martiño) | Martul (San Pedro) | Matela (Santa María Madanela) | Mosteiro (San Salvador) | Outeiro de Rei (San Xoán) | Parada (San Xoán) | Robra (San Pedro Fiz) | San Clodio de Aguiar (San Clodio) | San Fiz de Paz (San Pedro Fiz) | San Lourenzo de Aguiar (San Lourenzo) | San Tomé de Gaioso (San Tomé) | Santa Mariña (Santa María) | Santiago de Gaioso (Santiago) | Silvarrei (San Xoán) | Sobrada de Aguiar (Sta. Mª Madanela) | Taboi (San Pedro) | Vicinte (Santa María) | Vilela (Santiago)