Ovipositor

O ovipositor,^[1][2] tamén chamado oviscapto,^[1][2] ou ovopositor,^[2] é un órgano usado polas femias de moitos insectos para depositaren os ovos.^[2]

Ovipositor dun saltón.

Estrutura e funcións

Os ovopositores son apéndices cuticulares dos gonópodos, dos segmentos 8 e 9 do abdome, que teñen a función de facilitar o asentamento dos ovos nun lugar adecuado (enterrramento, inclusión nun tecido vexetal ou animal), e a súa protección durante a posta.^[2]

Derivan, nalgúns grupos (opilións, ácaros, insectos rafidiópteros), da modificación das estruturas anexas ao poro xenital feminino, consitindo noutros (lepidópteros, dípteros coleópteros cerambícidos) nun abdome de forma tubular (oviscapto propiamente dito) e, finalmente, noutros (a maioría dos insectos) nun aparello multiarticulado.^[2]

Galería

• Tettigonia viridissima poñendo os ovos co seu ovipositor no solo
• 
  Ovipositor de Roeseliana roeseli
• 
  Ovipositor de Gasteruption jaculator
• 
  Oviposición de Dolichomitus sp.
• 
  Varias femias de Anastrepha ludens depositando seus ovos nun pomelo