Palacio de Versalles

O palacio de Versalles ou castelo de Versalles (en francés: Château de Versailles) é un palacio real localizado na cidade de Versalles, unha aldea rural na época da súa construción, e hoxe en día un suburbio de París. A súa construción foi ordenada polo rei Lois XIV, e constitúe un dos complexos arquitectónicos monárquicos máis importantes de Europa. Con preto de 10 millóns de visitantes ao ano,^[1] é tamén un dos sitios turísticos máis importantes de Francia.

Palacio de Versalles
Versalles
Tipo	château, palacio, museo, palacio real e museo de arte
Parte de	Palácio e Parque de Versalhes (pt)
Estilo	French Baroque architecture (en) e arquitectura neoclásica
Instalacións	cambiador
Persoas e organizacións
Ocupante	Museo de Historia de Francia
Encargado por	Lois XIV de Francia
Propietario/a	Crown of France (en)
Fundador/a	Lois XIII de Francia
Arquitecto/a	Louis Le Vau, François d' Orbay (pt) , Jules Hardouin-Mansart, André Le Nôtre, Charles Le Brun, Robert de Cotte e Ange-Jacques Gabriel
Visitantes anuais (2018)  8132518 (2017)  7714389 (2016)  6701193 (2015)  7432801 (2014)  7702135 (2013)  7567008 (2011)  6746198 (2010)  6087556 (2008)  5606127 (2006)  4741758 (2004)  4329611 (2002)  4226879 (2001)  2593260
Datas
Fundación	1661
Dimensións
Anchura	600 m
Superficie	67.000 m²
Localización
48°48′17″N 2°07′13″L
Situado en	Versalles
Patrimonio cultural
Premios	musée de France (en)
Monumento histórico clasificado
Data	31 de outubro de 1906
Identificador	PA00087673
Patrimonio da Humanidade
Tipo	Patrimonio cultural  → Europa-América do Norte
Data	?, Criterios de Patrimonio da Humanidade: (i), (ii) e (vi)
Identificador	83
Composto por
Composto por  Galería dos Espellos  Salle des Croisades (en)  Opéra royal de Versailles (en)  escalier des Ambassadeurs (en)
Fontes e ligazóns
Páxina WEB	en.chateauversailles.fr
Teléfono	[phone] e [phone]
Redes
Descrito pola fonte Meyer’s Universum, Dreizehnter Band (en) Das Versailler Schloss (en)
[ Wikidata ] [ G:Commons ] [ C:Commons ]

A Corte de Versalles foi o centro do poder do Antigo Réxime en Francia dende 1682, cando Lois XIV se mudou de París, até que a familia Real foi forzada a volver á capital en 1789.

O conxunto do palacio e parque de Versalles, incluíndo o Gran Trianón e o Pequeno Trianón, foron declarados Patrimonio da Humanidade pola Unesco en 1979.^[2]

Historia e ampliacións

Lois XIV deixou París e decidiu construír Versalles como unha pequena cidade lonxe dos problemas. Tería varias etapas construtivas, marcadas polas amantes de Lois XIV.

• Primeira etapa (1661 - 1668): Sería un palacete de caza ao que se lle engadiron dúas ás laterais que, ao pecharse, conformaron a praza de armas. As fachadas son de ladrillo e unifica a cuberta usando tamén a lousa e as mansardas.
• Segunda etapa (1668 - 1678): Lois XIV pretende trasladar definitivamente a corte a Versalles. Engádense as dúas ás laterais para dar prioridade visual ao xardín, realizado por André Le Nôtre. A fachada que dá ao xardín está construída seguindo o modelo italiano. Un primeiro andar de perpiaños almofadados. Un andar nobre de dobre altura con coxía retranqueada, xogando con entrantes e saíntes e alternando columnas e pilastras. Por último, un terceiro andar que sería o ático, rematado por unha serie de figuras escultóricas que case non deixan ver a caída da cuberta, a cal non é moi inclinada. Chegaron a vivir nel ata 20 000 persoas.
• Terceira etapa (1678 - 1692): Nesta ampliación, realizada por Mansart, construíuse a capela real na á norte do palacio, a dobre altura e con acceso directo á cota cero dende o exterior, estando a Tribuna Real situada no andar principal, dende onde o rei e a súa familia asistían á misa.

Museo da historia de Francia

Galería das Batallas, no Museo da Historia de Francia.

Foi creado no 1837 por Camille Bachasson, conde de Montalivet, por orde de Lois Filipe I.^[3]

Cos seus 18 000 m² é o museo de historia máis grande do mundo. Contén unha colección de cadros reunidos ou encargados por Lois Filipe I e están organizados por series históricas. Para a súa exposición, algúns departamentos foron transformados en salas de museo.

O museo está situado nas ás, mentres que a parte central (a excepción do andar baixo), os Grandes Departamentos, as estancias privadas e os departamentos da familia real foron restaurados e poden verse tal como eran cando estaban ocupados polos reis.

Outros Versalles no mundo

O conxunto é recoñecido a nivel mundial coma un dos palacios máis grandiosos e inspirou a outros gobernantes e magnates que aspiraban a ter o seu propio paraíso; hai por iso polo mundo moitas edificacións espectaculares que, ou ben seguiron o seu modelo, ou ben se apropiaron deste epíteto co propósito de atraer visitantes. Os máis coñecidos son:

• Versalles español: o Palacio Real de La Granja de San Ildefonso, na provincia de Segovia
• Versalles italiano: Venaria Reale, en Turín ou o Palacio Real de Caserta
• Versalles polaco: Palacio Wilanów ou Palacio Branicki
• Versalles ruso: Palacio de Gátchina ou Peterhof (San Petersburgo)
• Versalles portugués: Palacio Nacional de Queluz
• Versalles alemán: Palacio de Herrenchiemsee, en Baviera, ou o palacio de Sanssouci, na cidade de Potsdam
• Versalles sueco: Palacio de Drottningholm, en Estocolmo
• Versalles neerlandés: Palacio Het Loo

En Galicia, o Pazo de Oca, malia non ser nunca a residencia de ningunha familia real, é coñecido como o Versalles galego, principalmente polos seus xardíns.^[4]