Pascal Yoadimnadji

Pascal Yoadimnadji, nado en 1950? en Beboto, rexión de Logone Oriental (no sur do Chad) e finado o 23 de febreiro de 2007 en París, foi o primeiro ministro do Chad dende o 4 de febreiro de 2005 até a súa morte.^[1] Era membro do grupo étnico Gor.^[2]

Pascal Yoadimnadji

Biografía
Nacemento	8 de abril de 1950 Béboto, Chad (en)
Morte	23 de febreiro de 2007 (56 anos) 5º distrito de París, Francia
Causa da morte	hemorraxia cerebral
Primeiro ministro do Chad
3 de febreiro de 2005 – 23 de febreiro de 2007
Actividade
Ocupación	político, avogado
Partido político	Movemento de Salvación Patriótica

Pascal Yoadimnadji foi designado primeiro ministro polo Presidente Idriss Déby o 4 de febreiro de 2005 tras a renuncia de Moussa Faki.^[2] Previamente, Yoadimnadji fora ministro de agricultura desde xullo de 2004. Tamén rexeu como director do comité electoral durante a elección presidencial de 1996, e como presidente do Consello Constitucional do Chad, como tamén foi avogado.

O 21 de febreiro de 2007, Yoadimnadji sufriu un accidente cardiovascular, e caeu en coma. Foi trasladado a Francia para recibir tratamento médico. Morreu de hemorraxia cerebral o 23 de febreiro nun hospital en París. Déby declarou 4 días de loito nacional tras o seu pasamento.