Perameles

Perameles é un xénero de mamíferos marsupiais australidelfos e orde dos peramelemorfos, que o tipo da familia dos peramélidos.^[1]

Perameles
Perameles nasuta
Clasificación científica
Reino: Animalia Filo: Chordata Subfilo: Vertebrata Clase: Mammalia Subclase: Theria Infraclase: Marsupialia Magnorde: Australidelphia Superorde: Eometatheria Orde: Peramelemorphia Familia: Peramelidae Subfamilia: Peramelinae Xénero: Perameles É. Geoffroy, 1804
Especies
Véxase o texto
Sinonimia
Thylacis Illiger, 1811 [1]

Todos os membros da subfamilia son endémicos de Australia e Nova Guinea, e a maioría teñen un corpo rechoncho, arqueado cara a atrás, cabeza cun fociño longo, delicado e aguzado, orellas verticais moi grandes, e patas relativamente longas e finas, igual que a cola. Son coñecidos na bibliografía como bandicuts de fociño longo (do inglés Long-nosed bandicoots).^[2]

Taxonomía

Descrición

O xénero foi descrito en 1804 polo naturalista francés Étienne Geoffroy Saint-Hilaire nun traballo publicado en Ann. Mus. Hist. Nat. Paris, 4: 56.

Etimoloxía

Perameles (que significa "teixugo con bolsa") é un termo de etimoloxía híbrida (o que no é recomendábel na nomenclatura científica), xa que deriva do grego antigo πήρα pḗra, "bolsa", "saco", e do latín mēlēs, "teixugo".^[3]

É dicir que, literalmente, a pouco ortodoxa etimoloxía de Peramelinae significa "os parecidos ao teixugo con bolsa" (aludindo ao marsupio).

Especies

Segundo MSW e o ITIS, o xénerto conta con catro especies:^[1][4]

Perameles bougainville.

Xénero Perameles

• Perameles bougainville Quoy & Gaimard, 1824
• Perameles eremiana Spencer, 1897
• Perameles gunnii Gray, 1838
• Perameles nasuta É. Geoffroy Saint-Hilaire, 1804

Ademais, coñécense outras catro especie fósiles:

• †Perameles allinghamensis ^[5]
• †Perameles bowensis ^[6]
• †Perameles sobbei ^[7][8]