Pobo kazako

Os kazakos^[10] ou kazakh^[11] (en kazako: қазақ, قازاق, қазақтар) son un pobo turco que habita na parte sur de Europa Oriental, nos Montes Urais e nas partes norte de Asia Central (principalmente Kazakhstán, pero tamén en partes de Uzbekistán, República Popular da China, Rusia e Mongolia). A identidade kazaka é de orixe medieval e está fortemente construída a partir da fundación do Khanato Kazako entre 1456 e 1465, cando varias tribos baixo o goberno dos sultáns Zhanibek e Kerey marcharon do khanato de Abu'l-Khayr Khan.

Pobo kazako
Home kazako co traxe tradicional.
Instancia de	etnia
Parte de	pobos túrquicos
Poboación total	Total: c. 15 000 000
Lingua	Lingua kazaka
Linguas faladas	Lingua kazaka e lingua rusa
Relixión	Predominantemente sunnís, minoría tengrista,[1][2][3][4][5] e cristianismo
Relacionados	Kirguiz, karakalpak, nogai Outros pobos turcos Mongois
Localización
Países Kazakhstán
Rexións principais
Kazakhstán	11 244 547 (2014)[6]
China	1 500 000[7]
Uzbekistán	800 000
Rusia	647 732[1]
Afganistán	440 000
Mongolia	201 526[8]
Kirguizistán	33 200[9]
Fontes e ligazóns
Descrito pola fonte Enciclopedia Soviética Armenia Dicionario Enciclopédico Brockhaus e Efron Q24440173 Pequeno Dicionario Enciclopédico de Brockhaus e Efron Q24764874
[ Wikidata ] [ C:Commons ]

Os kazakos son descendentes dos turcos e de tribos mongois medievais – argyn, dughlat, naiman, jalair, xázaros, qarluq; os Kipchak e os cumanos,^[12][13] e outras tribos como os hunos, e antigos pobos iranianos como os sármatas, saka e escitas que poboaban o territorio entre Siberia e o Mar Negro e que quedaron en Asia Central cando os grupos nómades empezaron a invadir e conquistar a área entre os séculos V e XIII.^{[14][15][16][17]}

Os kazakos foron un dos pobos que máis seriamente se viron afectados pola Fame soviética de 1932-1933, morrendo un 37% da poboación total.^[18]