Poulo, Ordes

San Xulián de Poulo é unha parroquia que se localiza no leste do concello de Ordes. Segundo o INE en 2022 tiña 323 habitantes (154 homes e 169 mulleres) distribuídos en 9 entidades de poboación, o que supón unha diminución en relación ao ano 1999 cando tiña 353 habitantes.

Para outras páxinas con títulos homónimos véxase: Poulo.

Poulo
Igrexa de San Xulián de Poulo.
Concello	Ordes[1]
Provincia	A Coruña
Coordenadas	43°04′34″N 8°23′02″O
Poboación	323 hab. (2022)
Entidades de poboación	9[1]
[ editar datos en Wikidata ]

Historia

Na aldea de Carballo apareceron restos de canalizacións da época romana. Na aldea das Pardiñas atópanse restos dun poboado castrexo, o único do concello de Ordes no que aínda se poden observar parte das edificacións.

Patrimonio

Na parroquia hai unha vivenda dun andar con teito a dúas augas. Na fachada ten unha inscrición na pedra, xunto á porta de entrada, na que se di que o rei Filipe II de España pasou alí unha noite no ano 1554. Hai dúas versións acerca da noite real: unha di que o rei viaxaba da Coruña a Santiago de Compostela por motivos reais ou relixiosos; outra indica que o rei se dirixía á Coruña para tomar un barco con destino a Gran Bretaña. Tampouco está claro se a parada foi improvisada por mor das condicións meteorolóxicas, ou se estaba xa planificada e a casa xa se acondicionara para recibir o soberano.

Lugares e parroquias

Lugares de Poulo

Lugares da parroquia de Poulo no concello de Ordes (A Coruña)
Blanca | A Calle | A Costa | Lavandeira de Baixo | Lavandeira de Riba | O Outeiro | As Pardiñas | O Piñeiro | A Senra

Parroquias de Ordes

Galicia | Provincia da Coruña | Parroquias de Ordes
Ardemil (San Pedro) | Barbeiros (Santa María) | Beán (Santa María) | Buscás (San Paio) | Leira (Santa María) | Lesta (Santo André) | Mercurín (San Clemente) | Ordes (Santa María) | Parada (Santa Mariña) | Pereira (Santaia) | Poulo (San Xulián) | Santa Cruz de Montaos (Santa Cruz) | Vilamaior (Santiago)