Valencia Basket

O Valencia Basket Club S.A.D. é un club profesional de baloncesto da cidade de Valencia, que xoga na liga ACB, a máxima competición do baloncesto español. Fundado en 1986, o club é herdeiro da sección de baloncesto do Valencia Club de Fútbol. Estaba patrocinado pola empresa Pamesa, polo que era comunmente coñecido até 2009 como Pamesa Valencia. Disputa os seus encontros no Pavelló Font de Sant Lluís de Valencia, pavillón con capacidade para 8 500 espectadores,^[1] e viste camiseta e pantalón laranxa.

Valencia Basket
Información xeral
Liga	ACB
Fundación	27 de setembro de 1986
Cores	Laranxa, azul
Presidente	Vicent Solá
Adestrador	Álex Mumbrú
Localización
Cidade	Valencia, España
Pavillón	Font de Sant Lluís
Capacidade	8 500
Inauguración	1983
Campionatos
Eurocup	4 (2003, 2010, 2014, 2019)
Liga	1 (2017)
Copa	1 (1998)
Supercopa	1 (2017)
valenciabasket.com

Historia

O Valencia Basket Club foi fundado o 27 de setembro de 1986 despois de que o Valencia CF decidise pechar a súa sección de baloncesto.^[2] O 4 de maio de 1988, co equipo participando na súa segunda temporada na Primeira División B, naquela altura a segunda categoría do baloncesto español, o equipo conseguiu o seu primeiro ascenso á máxima categoría, a Liga ACB. Alí permaneceu até a temporada 1994−95, cando descendeu á Liga EBA xunto co CB Breogán. Este descenso produciuse despois de perder nos playoffs pola permanencia ante o Somontano Huesca por (1−3). Na seguinte temporada, tras ser subcampión da Liga EBA nunha tempada sen ascensos, o Valencia comprou a praza ACB do Amway Zaragoza. Así, o Valencia xoga initerrompidamente na máxima categoría desde a temporada 1996−97 até a actualidade.

O 2 de febreiro de 1998, o daquela chamado Pamesa Valencia, gañou o seu primeiro título nacional tras vencer ao Pinturas Bruguer Badalona. O resultado da final, xogada no Polideportivo Pisuerga de Valladolid foi de 89−75. Un ano máis tarde, o 13 de abril de 1999, o club xogou a final da Copa Saporta. Porén, o club caeu derrotado polo Benetton Treviso por 64−60, nunha final disputada no Pavillón Príncipe Felipe de Zaragoza. Tres anos máis tarde, o Valencia conseguiu chegar de novo á final, máis o equipo volveu caer derrotado. Esta vez a vitoria foi para o Montepaschi Siena por 81–71, en Lión.

Sam Van Rossom.

Despois destas derrotas, chegaría unha etapa histórica para o club. En liga, na temporada 2001−02, o Valencia chega á final, aínda que non puido gañar ningún xogo da súa serie ante o FC Barcelona. Porén, antes desta derrota, esta o vez o equipo si foi quen de gañar o seu primeiro título europeo: a Copa ULEB. O Valencia conseguiu proclamarse campión desde de derrotar ao Krka Novo Mesto por un global na eliminatoria de 154–168. Esta vitoria, ademais, garantiulles a participación na seguinte edición da Euroliga. Na seguinte temporada, na súa primeira participación na principal competición continental, o club logrou a súa clasificación para o Top 16, máis foi eliminado despois de rexeitar xogar na Man de Elías ante o Maccabi Tel Aviv aducindo problemas de seguridade en Israel.^[3]

O 18 de abril de 2010, o naquela altura chamado Power Electronics Valencia, gañou o seu segundo título europeo, ao vencer ao Alba Berlín por 67−44 na final da EuroCup disputada no Fernando Buesa Arena de Vitoria. Isto permitiu ao club volver á Euroliga sete anos despois da súa primeira participación no torneo. Esta vez, Valencia chegou aos cuartos de final da Euroliga, onde foi eliminado polo Real Madrid, que gañou a serie de playoffs por unha marxe de 3−2. O 7 de maio de 2014 o Valencia consegue o seu terceiro título da EuroCup, esta vez vencendo na final a dobre partido ao UNICS Kazan.

O 5 de xuño de 2017, o Valencia clasificouse para a súa segunda final da Liga ACB de España após derrotar ao Baskonia nas semifinais. A diferenza da primeira vez, esta vez os valenciano conseguiron gañar o seu primeiro título de liga. Na final o equipo venceu ao Real Madrid por 3−1. Esa mesma temporada, o club tamén chegou á final da Copa do Rei e da EuroCup, mais perdeu as finais ante o propio Real Madrid e o Unicaja, respectivamente. O cuarto título europeo da EuroCup do club chegou dous anos despois, o 16 de abril de 2019, cando a Valencia venceu ao Alba Berlín na final a dobre partido.

Patrocinios

Por motivo de patrocinio, o club tivo diversos nomes ao longo da súa historia:

• Valencia-Hoja del Lunes (1986–1987)
• Pamesa Valencia (1987–2009)
• Power Electronics Valencia (2009–2011)

Xogadores

Véxase tamén: Xogadores do Valencia BC.

Cadro actual

Valencia Basket 2022−2023
Xogadores	Adestradores
Pos. # Nac. Nome Altura Peso Procedencia 1.0 !B 0 ! Harper, Jared 1,78 m (5 ft 10 in) 79 kg (174 lb) New Orleans Pelicans (2022) 3.0 !A 1 ! Claver, Víctor 2,08 m (6 ft 10 in) 102 kg (225 lb) FC Barcelona (2021) 2.0 !E 2 ! Puerto, Josep 1,99 m (6 ft 6 in) 97 kg (214 lb) Categorías inferiores (2017) 2.0 !E 3 ! Prepelič, Klemen 1,91 m (6 ft 3 in) 75 kg (165 lb) Joventut Badalona (2020) 4.0 !AP 4 ! Pradilla, Jaime 2,02 m (6 ft 8 in) 106 kg (234 lb) Tecnyconta Zaragoza (2019) 3.0 !A 6 ! López-Arostegui, Xabier 2,00 m (6 ft 7 in) 98 kg (216 lb) Joventut Badalona (2021) 1.0 !B 7 ! Jones, Chris 1,88 m (6 ft 2 in) 91 kg (201 lb) ASVEL Basket (2022) 1.0 !B 9 ! Van Rossom, Sam 1,88 m (6 ft 2 in) 88 kg (194 lb) CAI Zaragoza (2013) 1.0 !B 12 ! Radebaugh, Jonah 1,91 m (6 ft 3 in) 84 kg (185 lb) Riesen Ludwigsburg (2022) 5.0 !P 14 ! Dubljević, Bojan 2,05 m (6 ft 9 in) 110 kg (243 lb) Budućnost Voli (2012) 3.0 !A 16 ! Jiménez, Millán 1,99 m (6 ft 6 in) 90 kg (198 lb) Categorías inferiores (2020) 4.0 !AP 21 ! Alexander, Kyle 2,08 m (6 ft 10 in) 98 kg (216 lb) Scarborough Shooting Stars (2022) 4.0 !AP 41 ! Rivero, Jasiel 2,06 m (6 ft 9 in) 110 kg (243 lb) San Pablo Burgos (2021)	Adestrador Álex Mumbrú Asistente(s) Juan Maroto Javier Vilaplana Fernando San Emeterio Lenda (C) Capitán Lesionado Cadro Actualizado: 12−10−2022

Dorsais retirados

Dorsais retirados polo Valencia Basket
N°	Xogador	Posición	Etapa
11	Nacho Rodilla	Base	1994–2003
15	Víctor Luengo	Escolta	1992–2007

Destacados

• Alberto Abalde
• Berni Álvarez
• Víctor Claver
• Salva Díez
• Víctor Luengo
• Rafa Martínez
• José Antonio Paraíso
• Pau Ribas
• Nacho Rodilla
• Johnny Rogers
• Fernando San Emeterio
• Guillem Vives
• Federico Kammerichs
• Alejandro Montecchia
• Fabricio Oberto
• Matt Nielsen
• Vítor Faverani
• Tiago Splitter
• Derrick Alston
• Tanoka Beard
• Brad Branson
• Brian Cardinal
• Justin Doellman
• Conner Henry
• Bernard Hopkins
• Darryl Middleton
• Derrick Williams
• Shammond Williams
• Nando de Colo
• Mickaël Gelabale
• Antoine Rigaudeau
• Florent Piétrus
• Dimos Dikoudis
• Robertas Javtokas
• Mindaugas Timinskas
• Nikola Kalinić
• Kosta Perović
• Igor Rakočević
• Duško Savanović
• Dejan Tomašević
• Serhiy Lishchuk
• Tornike Shengelia

Galardóns individuais

MVP da ACB Justin Doellman – 2014 MVP da Final da ACB Bojan Dubljević – 2017 MVP da Copa do Rei Nacho Rodilla – 1998 MVP da Supercopa Erick Green – 2017 Mellor quinteto da ACB Justin Doellman – 2014 Romain Sato – 2014 Pau Ribas – 2015 Justin Hamilton – 2016 Bojan Dubljević – 2017, 2019 Segundo mellor quinteto da ACB Bojan Dubljević – 2018 Alberto Abalde – 2020 Campión do Concurso de Mates da ACB Víctor Claver – 2007

Bojan Dubljević. MVP das Finais da EuroCup Dejan Tomašević – 2003 Matt Nielsen – 2010 Justin Doellman – 2014 Will Thomas - 2019 Estrela emerxente da EuroCup Víctor Claver – 2010 Bojan Dubljević – 2013, 2014 Segundo mellor quinteto da Euroliga Duško Savanović – 2011 Mellor quinteto da EuroCup Nando De Colo – 2010 Matt Nielsen – 2010 Nik Caner-Medley – 2012 Justin Doellman – 2013, 2014 Bojan Dubljević – 2017, 2019 Segundo mellor quinteto da EuroCup Matt Nielsen – 2009 Bojan Dubljević – 2014 Fernando San Emeterio – 2017 Sam Van Rossom – 2019

Adestradores

A seguinte é unha lista dos adestradores do Valencia Basket desde a súa fundación.

• Toni Ferrer (1986–1987)
• Antoni Serra (1987–1989)
• Toni Ferrer (1989)
• José Antonio Figueroa (1989–1991)
• Fernando Jiménez (1991)
• Manu Moreno (1992–1995)
• Herb Brown (1995)
• Mihajlo Vuković (1995–2000)
• Luis Casimiro (2000–2002)
• Paco Olmos (2002–2004)
• Pablo Laso (2004–2005)
• Chechu Mulero (2005)
• Ricard Casas (2005–2006)
• Chechu Mulero (2006)
• Fotios Katsikaris (2006–2008)
• Neven Spahija (2008–2010)
• Manolo Hussein (2010)
• Svetislav Pešić (2010–2011)
• Paco Olmos (2011–2012)
• Velimir Perasović (2012–2015)
• Carles Duran (2015)
• Pedro Martínez (2015–2017)
• Txus Vidorreta (2017–2018)
• Jaume Ponsarnau (2018–2021)
• Joan Peñarroya (2021–2022)
• Álex Mumbrú (2022–presente)

Palmarés

EuroCup

• Campións (4): 2003, 2010, 2014, 2019
• Subcampións (2): 2012, 2017

Liga ACB

• Campións (1): 2016–17
• Subcampións (2): 2002–03

Copa do Rei

• Campións (1): 1998
• Subcampións (4): 2000, 2006, 2013, 2017

Supercopa

• Campións (1): 2017
• Subcampións (1): 2010

Historial

O Valencia en 2009.

Ano	Nivel	Liga	Pos.	V–D	Copa do Rei	Outras copas		Competicións europeas
1986–87	2	1ª B	19º	14–20
1987–88	2	1ª B	8º	24–19
1988–89	1	ACB	16º	12–27	Primeira rolda
1989–90	1	ACB	10º	27–12	Oitavos de final
1990–91	1	ACB	9º	18–22	Segunda rolda
1991–92	1	ACB	9º	21–19	Segunda rolda
1992–93	1	ACB	10º	19–15	Segunda rolda
1993–94	1	ACB	12º	15–17	Primeira rolda
1994–95	1	ACB	19º	16–26	Primeira rolda
1995–96	2	EBA	2º	28–10
1996–97	1	ACB	11º	17–17
1997–98	1	ACB	7º	21–17	Campión
1998–99	1	ACB	6º	20–19	Cuartos de final			2 Copa Saporta	2º	17–2
1999–00	1	ACB	6º	20–17	Subcampión			2 Copa Saporta	CF	13–3
2000–01	1	ACB	5º	23–15	Semifinais			2 Copa Saporta	SF	11–5
2001–02	1	ACB	6º	22–16	Cuartos de final			2 Copa Saporta	2º	13–4
2002–03	1	ACB	2º	32–13	Semifinais			2 Copa ULEB	1º	14–4
2003–04	1	ACB	5º	24–14	Cuartos de final			1 Euroliga	T16	13–7
2004–05	1	ACB	9º	18–16	Semifinais			2 Copa ULEB	SF	11–1–4
2005–06	1	ACB	9º	16–18	Subcampión
2006–07	1	ACB	7º	20–18
2007–08	1	ACB	5º	23–14	Cuartos de final			2 Copa ULEB	CF	10–5
2008–09	1	ACB	7º	16–18	Cuartos de final			2 EuroCup	CF	10–3
2009–10	1	ACB	5º	23–13	Semifinais			2 EuroCup	1º	14–2
2010–11	1	ACB	5º	24–12	Semifinais	Supercopa	2º	1 Euroliga	CF	10–11
2011–12	1	ACB	4º	23–18				2 EuroCup	2º	12–4
2012–13	1	ACB	6º	23–14	Subcampión	Supercopa	SF	2 EuroCup	SF	11–5
2013–14	1	ACB	3º	34–8	Semifinais			2 EuroCup	1º	15–9
2014–15	1	ACB	4º	23–18	Cuartos de final	Supercopa	SF	1 Euroliga	TR	3–7
								2 EuroCup	CF	5–5
2015–16	1	ACB	3º	31–9	Cuartos de final			2 EuroCup	L32	13–3
2016–17	1	ACB	1º	31–12	Subcampión			2 EuroCup	2º	18–5
2017–18	1	ACB	5º	23–14	Cuartos de final	Supercopa	1º	1 Euroliga	9º	12–18
2018–19	1	ACB	3º	25–15	Cuartos de final			2 EuroCup	1º	20–3
2019–20	1	ACB	3º	16–13	Semifinais	Supercopa	SF	1 Euroliga	—	12–16