Azulenta común

A azulenta común (Prunella modularis) é unha especie de ave paseriforme da familia Prunellidae^[2] amplamente distribuída por toda Europa. O seu aspecto apagado e pouco rechamante faino difícil de distinguir dun paporrubio xuvenil, dunha pica dos prados ou dun carrizo. Non obstante, o seu estraño hábito de apareamento, con tríos dun macho con dúas femias, ou dunha femia con dous machos, faino moi particular.

Azulenta común
Estado de conservación
Pouco preocupante[1]
Clasificación científica
Reino: Animalia Filo: Chordata Clase: Aves Orde: Passeriformes Familia: Prunellidae Xénero: 'Prunella' Especie: P. modularis
Nome binomial
'Prunella modularis' (Linnaeus, 1758)
Subespecies
Véxase o texto

Prunella modularis

Cuculus canorus canorus + Prunella modularis

O seu canto é un chirlo rápido, plano, agudo, monocorde.

O seu niño é unha cunca herbácea, revestida de musgo ou pelo, con 4-5 ovos postos en 2-3 niñadas de abril a xuño.

Vive entre arbustos, entre a maleza, comendo pequenos insectos e sementes.

Cría en toda Europa menos en Islandia; especialmente en uceiras e marismas con matogueira densa, en zonas costeiras, bosques densos, cultivos e xardíns.

Subespecies

¿Onde vai a triste azulenta que pousaba no penedo, que falaba cos picariños...? ¿Por qué se iría tan cedo? —C. Pedreira[3]

Recoñécense as seguintes subespecies:^[2]

• Prunella modularis hebridium
• Prunella modularis occidentalis
• Prunella modularis modularis
• Prunella modularis mabbotti
• Prunella modularis meinertzhageni
• Prunella modularis fuscata
• Prunella modularis euxina
• Prunella modularis obscura