Racing Club Vilalbés

O Racing Club Vilalbés é un club de fútbol galego da cidade de Vilalba, na provincia de Lugo. Foi fundado en 1931 e na actualidade milita na Terceira Federación.

Racing Vilalbés
Nome	Racing Club Vilalbés
Fundación	1931
Estadio	A Magdalena, Vilalba, Galicia
Capacidade	2.500
Presidente	Juan José Vázquez Carreira
Adestrador	Alberto López López
Liga	3ª RFEF – Grupo 1
2023/24	14
Na rede
https://www.rcvillalbes.es/
Titular Alternativo

Racing Club Vilalbés en 1972.

Historia

O Racing Club Vilalbés foi fundado en Vilalba en 1931, grazas a un grupo de amigos dos que xurdira a idea xa en 1929. Na vila existía outro club de fútbol, o Sporting Vilalbés, fundado en 1925.^[1] En xaneiro de 1931 constituíuse o Racing Club Vilalbés, tendo como primeiro presidente a César Fernández Paz,^[2] sendo sucedido o 29 de novembro dese mesmo ano por Francisco Roca.^[3]

En 1940, trala chegada do franquismo e a prohibición das denominacións estranxeiras nos clubs, o Racing Vilalbés cambiou o seu nome oficial polo de Club Villalbés, denominación que tivo ata 1965. O 31 de agosto de 1948 inaugurouse o Campo do Castelo, cun partido entre o Deportivo da Coruña e o Racing de Ferrol. En 1958 o campo pasou a chamarse Estadio Roca, en homenaxe ao presidente do club, Francisco Roca.

Na tempada 1991/92 produciuse o primeiro ascenso do Racing a Terceira División, categoría que perdeu tres tempadas máis tarde. Na tempada 1998/99 volveu ascender e xogou en Terceira durante catro anos. O equipo volveu á categoría na tempada 2008/09, acadando o cuarto posto na tempada 2010/11, quedando clasificado para a fase de ascenso a Segunda División B. No playoff quedou eliminado na primeira fase polo Alhaurín de la Torre CF.

Na tempada 2022/23, despois de 14 tempadas consecutivas na categoría, o club conseguiu un histórico ascenso á Segunda División RFEF.^[4] Con Simón Lamas no banco, o equipo acabou cuarto no Grupo I da Terceira División RFEF, accedendo así á fase galega da promoción de ascenso. Eliminou primeiro ao Rápido de Bouzas e a continuación ao Arousa, clasificándose para a fase nacional.^[5] Nesta, o seu rival foi o La Calzada rioxano, co que empatou a un gol no encontro de ida na Magdalena. No partido de volta en Santo Domingo de la Calzada, o Racing Vilalbés conseguiu unha ampla vitoria, gañando por 3-0 con goles de Marcos, Álex Pérez e Santi, e certificou así o ascenso á cuarta categoría do fútbol español.^[6]

Estadio

O Racing Club Villalbés xoga no Estadio Municipal da Magdalena, en Vilalba. Ten unha capacidade de 2.500 espectadores.

Datos do club

• Tempadas en 1ª: 0
• Tempadas en 2ª: 0
• Tempadas en 1ª RFEF: 0
• Tempadas en 2ª RFEF: 0
• Tempadas en 3ª RFEF: 21 (Incluída a 2022/23)
• Mellor posto en liga: 4º (3ª RFEF - tempadas 2010/11 e 2022/23) e 3° na tempada 17/18
• Promocións de ascenso a Segunda RFEF: 3 (1 ascenso)

Historial na liga

Tempada Categoría Posto de 31-32 Rexional — a 91-92 Rexional — 1992/93 3ª 9º 1993/94 3ª 11º 1994/95 3ª 18º de 95-96 Rexional — a 98-99 Rexional — 1999/00 3ª 9º 2000/01 3ª 13º 2001/02 3ª 13º 2002/03 3ª 18º de 03-04 Rexional —

Tempada Categoría Posto a 04-05 Rexional — 2005/06 Rex. Pref. 9º 2006/07 Preferente 9º 2007/08 Preferente 3º 2008/09 Preferente 1º 2009/10 3ª 9º 2010/11 3ª 4º 2011/12 3ª 5º 2012/13 3ª 10º 2013/14 3ª 13º 2014/15 3ª 9º 2015/16 3ª 5º

Tempada Categoría Posto 2016/17 3ª 5º 2017/18 3ª 3º 2018/19 3ª 11º 2019/20 3ª 14º 2020/21 3ª 4º / 3º 2021/22 3ª RFEF 7º 2022/23 3ª RFEF 4º 2023/24 2ª RFEF 14º 2024/25 3ª RFEF

Xogadores

Cadro

Datos da tempada 22-23

Nº Posto País Xogador POR Álex Santomé DEF Diego López DEF David Buyo DEF David Vérez DEF Joel López MED Pablo Rey MED Javi Varela MED Varela

Nº Posto País Xogador MED Make MED Javi Rey MED Rares Mezdrea MED Álex Pérez DIA Marcos Álvarez DIA Santi Gegunde DIA Fernando Cuadrado

Palmarés

• Copa Galicia (1): 1986/87
• Copa Federación Galega de Fútbol (1): 1953/54