Recesvinto

Recesvinto (en español, galego e portugués) tamén coñecido como Recceswinth​, Rekkeswint (alemán), Reccesuinth, Recceswint, Reccaswinth (inglés), Réceswinthe (francés), Reccesvinthus, Recceswinthus (latín), e Recesvindus, (no latín do Liber iudiciorum), foi un rei visigodo que gobernou entre os anos 649 e 672.

Recesvinto

Biografía
Nacemento	Antes de 649
Morte	1 de setembro de 672 Valladolid, España
Lugar de sepultura	Catedral de Santa María de Toledo
Rei dos visigodos
653 – 672 ← Chindasvinto – Vamba →
Actividade
Ocupación	monarca
Carreira militar
Conflito	Siege of Cesaracosta (en)
Outro
Título	Rei dos visigodos
Pai	Chindasvinto
Descrito pola fonte	Allgemeine Deutsche Biographie

Morreu e foi soterrado na localidade de Gérticos,^[1][2] actual Wamba (provincia de Valladolid), no ano 672.^[2][3] Dende 1845, os seus restos e os do seu sucesor Wamba, permanecen nunha furna na sancristía da Catedral de Toledo.^[4]

Traxectoria

Foi fillo de Chindasvinto e Riciberga. Foi coroado no 649, estando vivo aínda seu pai, co apoio da nobreza e do clero,^[5] e gobernou durante 23 anos, conseguindo durante o seu reinado un amplo período de paz continuada de 19 anos, tan só interrompido ao comezo do seu reinado por algunha revolta como a de Froia.

Revolta de Froia

Ao comezo do seu reinado, produciuse unha revolta protagonizada por Froia, duque da Tarraconense, quen, fuxindo da persecución do monarca, coma outros moitos, estableceuse entre os vascóns da Aquitania. Froia mailos vascóns, saquearon as terras do val do Ebro, incendiaron igrexas, asasinaron cregos e puxeron sitio a cidade de Zaragoza.^[6] Recesvinto acudiu en auxilio da cidade, conseguiu levanta-lo sitio e matou a Froia.^[7]

Durante o seu reinado, foron celebrados o VIII, IX e X Concilios de Toledo. No ano de 654, promulgou o Liber iudiciorum ou Código de Recesvinto, que perviviu entre os mozárabes de Al-Andalus e foi traducido ao castelán como Fuero Juzgo.^[2]