Ronnie Spector

Veronica Yvette Greenfield,^[1] nada o 10 de agosto de 1943 como Veronica Yvette Bennett e finada o 12 de xaneiro de 2022,^[2] foi unha cantante estadounidense máis coñecida polo seu nome artístico, Ronnie Spector. Formou o grupo musical The Ronettes en 1957 xunto coa súa irmá máis vella, Estelle Bennett, e a súa curmá, Nedra Talley. Ronnie liderou o grupo durante o tempo que foi producido por Phil Spector, con quen casou en 1968 e se separou en 1972.

Ronnie Spector

Biografía
Nacemento	(en) Veronica Yvette Bennett 10 de agosto de 1943 Nova York (Estados Unidos de América)
Morte	12 de xaneiro de 2022 (78 anos) Danbury (Estados Unidos de América)
Causa da morte	cancro
Educación	George Washington Educational Campus (en)
Actividade
Ocupación	cantante
Período de actividade	1959 - 2021
Membro de	The Ronettes
Xénero artístico	Doo wop, música pop, Rhythm and blues e Soul
Tesitura	Mezzosoprano
Instrumento	Voz
Selo discográfico	Colpix Records (en) Columbia Records Philles Records Apple Records
Familia
Cónxuxe	Phil Spector (1968–1972), divorcio
Irmáns	Estelle Bennett
Parentes	Nedra Talley, curmán
Descrito pola fonte	Ronnie Spector, Who Brought Edge to Girl-Group Sound, Dies at 78 (en)
Sitio web	ronniespector.com

Traxectoria

Bennett foi a voz principal de The Ronettes e durante os primeiros anos da década de 1960 tiveron grandes éxitos, como as cancións "Be My Baby" (1963), "Baby, I Love You" (1963), "The Best Part of Breakin' Up" (1964) e "Walking in the Rain" (1964). En 1964, comezou unha carreira en solitario co sinxelo "I'm So Young". Despois de 1980 publicou cinco álbums de estudio: Siren (1980), Unfinished Business (1987), Something's Gonna Happen (2003), Last of the Rock Stars (2006) e English Heart (2016). Tamén gravou unha versión estendida de She Talks to Rainbows (1999). En 1986, a súa carreira reviviu cando sacou a canción "Take Me Home Tonight" con Eddie Money.

Bennett foi alcumada en ocasións como a "moza mala do rock and roll" orixinal.^[3][4] En 1990 publicou as súas memorias Be My Baby: How I Survived Mascara, Miniskirts, and Madness, Or, My Life as a Fabulous Ronette.^[5] En 2007, foi incluída no Salón da Fama do Rock como membro de the Ronettes.^[6]

Discografía

Con The Ronettes

• Presenting the Fabulous Ronettes Featuring Veronica, 1964^[7]
• Sing the Greatest Hits , 1975^[8]
• The Ronettes Greatest Hits – Volume 2, 1981^[9]
• The Best of The Ronettes, 1992^[10]

Álbums en solitario

Título	Notas	Máximo posto en listas
		Nos Estados Unidos de América
Siren	Data de publicación: 1980 Selo: RCA, Polish Records[11]	–
Unfinished Business	Data de publicación: maio de 1987 Selo: Columbia/CBS[12]	–
The Last of the Rock Stars	Data de publicación: 2006 Selo: High Coin[13]	–
English Heart	Data de publicación: 8 de abril de 2016 Selo: 429[14]	6[15]
"—" indica unha publicación que non acadou posto en listas

EPs

• She Talks to Rainbows EP, 1999^[16]
• Something's Gonna Happen EP, 2003^[17]
• Best Christmas Ever EP, 2010^[18]

Sinxelos en solitario^[19]

• 1971: "Try Some, Buy Some" (Apple 1832)
• 1975: "You'd Be Good For Me" (Tom Cat YB-10380)
• 1976: "Paradise" (Warner Spector SPS 0409)
• 1977: "Say Goodbye To Hollywood" (Epic 8-50374)
• 1978: "It's a Heartache" (Alston 3738)
• 1980: "Darlin'" (Polish PR-202)
• 1987: "Who Can Sleep" (Columbia 38-07082)
• 1987: "Love On a Rooftop" (Columbia 38-07300)