Rotemburg

Rotemburg (oficialmente en alemán: Rotenburg an der Fulda), é unha pequena cidade do distrito de Hersfeld-Rotenburg, ao leste do Land de Hessen, Alemaña.

Rotemburg

Localización
50°59′42″N 9°43′38″L
Estado	Alemaña
País	Hessen
Regierungsbezirk	Rexión de Kassel
Distrito rural	Distrito de Hersfeld-Rotenburg
Poboación
Poboación	14.020 (2023) (175,32 hab./km²)
Xeografía
Superficie	79,97 km²
Altitude	183 m
Comparte fronteira con	Bebra Ludwigsau Alheim
Organización política
Membro de	Hessischer Städte- und Gemeindebund Alcaldes pola Paz (1987–)
Identificador descritivo
Código postal	36199
Fuso horario	UTC+01:00, horario estándar UTC+02:00, horario de verán
Prefixo telefónico	06623
Clave de rexión en Alemaña	066320018018
Número de municipio alemán	06632018
Outro
Irmandado con	Argentan
Sitio web	rotenburg.de

Xeografía

Casas antigas de Rotenburg á beira do río Fulda

Encóntrase situada a uns 180 msnm, á beira do río Fulda, un dos afluentes do río Weser.

A cidade atópase ao sur da cordilleira Stölzinger Gebirge, na parte máis estreita do val do Fulda. O punto máis baixo da cidade está a 180 m sobre o nivel do mar, na zona próxima ás dúas pontes que cruzan o río Fulda que unen a Cidade Vella e a Cidade Nova; estas ponte son a Alte Fuldabrücke ("Ponte vella de Fulda") e a Brücke der Städtepartnerschaften ("Ponte das asociacións da cidade"). O punto máis alto da cidade é o Alheimer de 548,7 m de altura, situado no límite da cidade de Rotenburg e a comunidade veciña de Alheim.

Ocupa unha superficie de 79,84 km². A súa poboación, segundo o censo de 31 de decembro de 2020, era de 13 959 habitantes, polo que a súa densidade de poboación, nese ano, era de 170 hab./km².^[1]

As cidades importantes máis próximas son Bad Hersfeld (a 16 km ao sur), Kassel (a 50 km ao norte) e Fulda (a 70 km ao sur).

Historia

A cidade foi a capital do Landgraviato de Hesse-Rotenburg desde 1627 a 1834. Foi incendiada durante a Guerra dos Trinta Anos polas tropas do Sacro Imperio Romano Xermánico en febreiro de 1637.^[2]

Antigo distrito

En 1821 creáronse os distritos en Hessen, incluíndo os distritos de Hersfeld e de Rotenburg, que permaneceron case inalterados (excepto nun breve período despois da revolución de 1848, cando foron disoltos cando de produciu a anexión de Hessen-Kassel por Prusia e a creación do estado de Hessen. En 1972 ambos os distritos fusionáronse nun só.

Galería

• 
  Escudo de armas
• 
  Castelo do Landgrave en Rotenburg, vista frontal do edificio central
• 
  Casa do Concello de Rotenburg (construída entre 1597 e 1598)
• 
  Altstadtstraße 16 de Rotenburg, vista desde o norte
• 
  Igrexa de Santiago o Maior, patrón da cidade, na praza do mercado
• 
  Marstall en Rotenburg (construído en 1570)