Samadhi

Samadhi (sánskrito: समाधि) nas escolas hinduísta, budista, xainita e Sikh, é un alto estado de concentración na meditación, ou dhyāna. Na tradición do ioga, é o oitavo e último estadio mencionado nos Yoga Sūtras de Patañjali.

Ten sido descrito coma un estado de conciencia adual no que a conciencia do suxeito que experimenta se funde coa do obxecto observado^[1], e no que a mente torna acougada, centrada ou concentrada^[2], mentres a persoa permanece consciente.

En budismo tamén se pode referir a un estado no que a mente permanece en estado de calma mais non se funde co obxecto de atención, permitindo deste xeito a observación deste e así mellorar o grao de apercepción do fluxo cambiante da experiencia^[3].

Conceptos análogos

De acordo co libro "God Speaks" escrito por Meher Baba, os termos sufís fana-fillah e baqa-billah son análogos a nirvikalpa samadhi e sahajā samādhi respectivamente^[4].