San Blas-Canillejas

San Blas-Canillejas^[1] é un distrito da cidade de Madrid situado no leste da cidade.

San Blas-Canillejas

Localización
40°25′34″N 3°36′46″O
Estado	España
Comunidade autónoma	Comunidade de Madrid
Concello	Madrid
Contén a división administrativa	Amposta Arcos Canillejas Hellín Rejas Rosas Salvador Simancas
Poboación
Poboación	161.219 (2023) (7.232,79 hab./km²)
Xeografía
Superficie	22,29 km²
Comparte fronteira con	Ciudad Lineal Vicálvaro Coslada Barajas Moratalaz Hortaleza
Datos históricos
Precedido por	Canillejas (en)
Creación	26 de setembro de 2012
Organización política
Órgano executivo	Xunta Municipal do Distrito de San Blas-Canillejas
• Concelleira presidenta	Almudena Maíllo del Valle (2023–)
Identificador descritivo
Código postal	28027, 28022, 28032 e 28037
Sitio web	madrid.es…

Limita polo norte cos distritos de Hortaleza e Barajas, polo leste co concello de Coslada, polo sur co distrito de Vicálvaro, polo sur co distrito de Ciudad Lineal. Ten unha superficie 22,29 km² e unha poboación de 161.219 habitantes no ano 2023.^[2] Anexionáronse ao municipio de Madrid en 1949.^[3] En 2012, realizaron o cambio do nome do distrito de San Blas por San Blas-Canillejas.^[4]

Datos históricos

Esténdese ao sur da estrada de Barcelona e ao leste da rúa Hermanos García Noblejas (denominada desde 2017 avenida da Institución Libre de Enseñanza, prolongación da Ciudad Lineal. No seu ámbito hai terreos que pertenceron aos concellos de Canillejas, Barajas, Vicálvaro e Canillas. Ten un carácter mixto: residencial e industrial, ambas as actividades agrupadas; a primeira nos barrios de Simancas e San Blas, e a industrial en García Noblejas (denominada desde 2017 avenida da Institución Libre de Enseñanza) - Julián Camarillo e no eixo da estrada de Barcelona. Ata despois da Guerra Civil a zona non adquire valor como área de posible expansión da Vila. O Polígono do Gran San Blas, construído a finais dos anos sesenta do século XX, foi un exemplo de barrio de promoción pública, destinado a absorber os amplos núcleos chabolistas existentes en Madrid naqueles anos.^[5]

Barrios

Este distrito está dividido en oito barrios:^[6]

• Amposta
• Arcos
• Canillejas
• Hellín
• Rejas
• Rosas
• Salvador
• Simancas