Sari Fisk
xogadora de hóckey sobre xeo finlandesa From Wikipedia, the free encyclopedia
Remove ads
Sari Kristiina Marjamäki (de solteira Fisk), nada o 17 de decembro de 1971 en Pori, é unha xogadora de hóckey sobre xeo retirada que xogaba na posición de dianteira.[1] Xogou 217 partidos coa selección finlandesa, representando o seu país en 16 competicións internacionais de primeiro nivel: tres torneos olímpicos, oito Campionatos do Mundo, e cinco Campionatos de Europa. Gañou un bronce olímpico na primeira edición do torneo feminino de hóckey sobre xeo nos Xogos Olímpicos de Inverno de 1998, seis bronces máis no Campionato do Mundo, catro ouros no Campionato de Europa, así como un bronce europeo.[2]
Durante a súa carreira na SM-sarja, Sari Fisk xogou 401 partidos en 23 tempadas. Xogou cos Ässät da súa cidade natal, Ilves de Tampere, e as Espoo Blues de Espoo, e gañou catro medallas de ouro no campionato finlandés, así como outras dúas parts e catro bronces.[3] Ao longo das 23 tempadas que disputou na SM-sarja, Marjamäki meteu 339 goles e sumou 253 asistencias para un total de 592 puntos en total na liga regular, o que a sitúa na quinta posición de puntuadoras históricas da SM-sarja (excluíndo as estatísticas logo de que a competición fora renomeada como Naisten Liiga en 2017).[4]
Dende que se retirou en 2007, Fisk recibiu numerosos premios e honores como recoñecemento aos seus logros e influencia positiva no hóckey sobre xeo feminino en Finlandia. En 2014, foi introducida no Salón da Fama do hóckey sobre xeo finlandés co número 223.[5] Foi recoñecida como Ilves Hockey Legend nunha cerimonia celebrada o 7 de marzo de 2020.[6]
Ela e o seu marido, o adestrador xefe de Kärpät Lauri Marjamäki, teñen unha filla nada en 2008 e un fillo.[7]
Remove ads
Notas
Wikiwand - on
Seamless Wikipedia browsing. On steroids.
Remove ads