Semana Santa
Conmemoración cristiá anual da Paixón de Cristo From Wikipedia, the free encyclopedia
Remove ads
A Semana Santa é unha celebración cristiá que conmemora a Paixón de Cristo, e que engloba a entrada en Xerusalén, a Última Cea, o viacrucis, a morte e a resurrección de Xesucristo. A súa data de celebración é variable, entre marzo e abril.
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde setembro de 2022.) |
Dá comezo co Domingo de Ramos e finaliza o Domingo de Resurrección, aínda que a súa celebración se inicia en varios lugares no venres anterior ao Domingo de Ramos, coñecido como Venres de Dores.
Durante a Semana Santa teñen lugar numerosas mostras de relixiosidade popular por todo o mundo, destacando as procesións, as penitencias e as escenificacións da Paixón, morte e resurrección de Xesús.
Remove ads
Data
- Artigo principal: Cálculo da data de Pascua.
A Semana Santa celébrase na primavera, pero non coincide cunha data determinada do calendario xa que ven determinada polo calendario lunar. A Pascua de Resurrección é o domingo inmediatamente posterior á primeira lúa chea despois do equinoccio de marzo e calcúlase empregando a lúa chea astronómica. Por este motivo oscila entre o 22 de marzo e o 25 de abril, ambos os dous incluídos.
As igrexas occidental e oriental utilizan calendarios diferentes para determinar o día de Pascua (o gregoriano en occidente e o xuliano en oriente), e aínda non chegaron a ningún acordo para unificar o criterio.
Remove ads
Días da Semana Santa
Aínda que oficialmente comeza o Domingo de Ramos e termina o Domingo de Pascua, a Semana Santa inclúe, nalgúns lugares, outros días de celebracións, que cronoloxicamente son os seguintes:
Remove ads
Celebracións
En gran parte do mundo existen celebracións asociadas á Semana Santa, algunhas delas destacadas como festas de interese turístico internacional.
En Galicia destacan as Semanas Santas de Viveiro e Ferrol, ambas declaradas Festas de interese turístico internacional. Tamén en Paradela (parroquia de Meis, Pontevedra) ten lugar unha escenificación da paixón, morte e resurrección de Cristo.
En España as principais celebracións son as de Málaga, Sevilla, Valladolid e Zamora, aínda que tamén están recoñecidas como festas de interese turístico internacional as Semanas Santas de Ávila, Cáceres, Cartaxena, Crevillent, Cuenca, Granada, Hellín, León, Lorca, Medina de Rioseco, Medina del Campo, Mérida, Murcia, Orihuela, Palencia, Salamanca, Toledo e Zaragoza, e a Procesión do Domingo de Ramos de Elx.
Véxase tamén
 |
Wikimedia Commons ten máis contidos multimedia na categoría: Semana Santa  |
Wikiwand - on
Seamless Wikipedia browsing. On steroids.
Remove ads