Seoane do Courel, Folgoso do Courel

San Xoán de Seoane do Courel é unha parroquia do concello de Folgoso do Courel, na provincia de Lugo. Seoane do Courel foi ata a guerra civil a capital do concello.

Para outras páxinas con títulos homónimos véxase: Seoane do Courel.

Seoane do Courel
Piñeira
Concello	Folgoso do Courel[1]
Provincia	Lugo
Coordenadas	42°38′20″N 7°09′00″O
Área	31,26 km²
Poboación	178 hab. (2019)
Densidade	5,69 hab./km²
Entidades de poboación	9[1]
[ editar datos en Wikidata ]

Linda ó norte con Meiraos, Folgoso do Courel e Seara polo sur, Esperante e Visuña polo leste e San Xoán de Lóuzara e Seceda polo oeste.

Toponimia

O topónimo deriva do latín Sanctu(m) Iohanne(m), San Xoán.^[2]

Demografía

É a parroquia máis poboada do concello. Segundo o IGE en 2012 tiña 218 habitantes agrupados nas entidades de Ferrería Vella, Mercurín, Moreda, Parada, Piñeira e Seoane. Isto supón unha diminución respecto do ano 1999 cando tiña 331 habitantes.

Historia

Antigamente Seoane era a capital do concello, pero só mantivo ese rango ata a guerra civil. A capitalidade foille conferida no ano 1834, xunto ó tratamento de vila, ata que lle foi retirada en favor de Folgoso por razóns aínda descoñecidas. Non obstante, segue a manter o carácter de capital municipal, concentrando un bo número de servizos, que se reflicte na feira que se celebra o segundo e o cuarto domingo de cada mes.

Construcións

• Casa do Escribano, que foi a antiga sede do concello e posúe un curioso reloxo de sol.
• Igrexa de San Xoán, situada no alto da vila.
• Ferrería de Seoane, movida pola auga do río Lor.
• A casa deseñada polo arquitecto Carlos Quintáns Eiras foi finalista dos premios FAD e Mies van der Rohe.^[3]

Festas

As festas celébranse na honra a San Xoán os días 24 e 25 de xuño.

Lugares e parroquias

Lugares de Seoane do Courel

Lugares da parroquia de Seoane do Courel no concello de Folgoso do Courel (Lugo)
Cima de Vila | Ferrería Vella | Fondo de Vila | Mercurín | Moreda | Parada | Piñeira | Seoane do Courel | Vales

Parroquias de Folgoso do Courel

Galicia | Provincia de Lugo | Parroquias de Folgoso do Courel
Esperante (San Pedro) | Folgoso do Courel (Santa María) | Hórreos (San Pedro) | Meiraos (Santa María) | Noceda (San Pedro) | Seceda (San Silvestre) | Seoane do Courel (San Xoán) | Vilamor (San Vicente) | Visuña (Santa Eufemia)