Soportal

Un soportal^[1] é o espazo cuberto que precede á entrada dalgúns edificios^[2] que se forma sostendo a parte dianteira do mesmo con columnas ou piares^[3]. Adoita denominarse en plural: soportais.

Soportais en Lugo.

As máis das veces os soportais esténdense nas casas acaroadas de toda unha rúa, un casal (ou rueiro) ou unha praza, e dispóñense ante as entradas e baixo a parte máis adiantada cara a rúa dos andares superiores, permitindo o tránsito cuberto de peóns a través del, paralelamente á propia rúa. A súa forma é a dun cuberto, loxa, atrio ou pórtico alongado; aínda que non se limita á entrada principal (como sucede en pórticos e atrios). Os soportais adoitan percorrer totalmente a fachadadun ou varios edificios; e no caso das rúas asoportaladas ou porticadas continúan en toda a lonxitude da rúa, frecuentemente a ambas as dúas beiras.

Son moi frecuentes na arquitectura rural (non moito na galega) e caracterizan dende a Idade Media as rúas comerciais e prazas principais das cidades históricas de moitos lugares de Europa, España e Galicia, como Santiago de Compostela . Cando non responden a un deseño planificado non hai unidade nas súas dimensión e aspecto (por exemplo, na multiplicidade de elementos sustentantes -columnas, piares ou pés dereitos-). Unhas son alinteladas e outras abovedadas, ou sustentadas en galerías de arcos (arcadas).

Fican vinculados á función comercial co gallo de manter mercadorías e persoas abeiradas da choiva e o sol, por iso son tan útiles na arquitectura urbana galega.

Soportais en Galicia

Os soportais son moi comúns na arquitectura urbana de Galicia dende a Idade Media. Aparecen en moitas vilas costeiras cara ás praias e na maior parte de prazas maiores e rúas vellas de vilas e cidades, dende os máis sinxelos alintelados até os máis desenvolvidos con arcos. Non son comúns na arquitectura rural vernácula.

Galería de imaxes

En Galicia

• 
  Soportais na Praza da Constitución, en Vigo.
• 
  Cadro do século XIX cos soportais no Berbés, Vigo.
• 
  Soportais na Rúa do Vilar, en Santiago de Compostela.
• 
  Soportais na Praza de María Pita, na Coruña.
• 
  Soportais na Praza da Leña, en Pontevedra.
• 
  Rúa de Compostela, Portomarín.
• 
  Soportais na Praza da Ferrería, Pontevedra.
• 
  Betanzos.
• 
  Soportais góticos nunha rúa de Noia.
• 
  Soportais nunha casa de Lugo.
• 
  Soportais en Ribadavia.
• 
  Soportais primitivos en Combarro
• 
  Soportais do Pazo de Raxoi en Santiago de Compostela.
• 
  Soportais do Pazo de Raxoi en Santiago de Compostela.

Fóra de Galicia

• 
  Calle Mayor de Palencia.
• 
  Calle Portales, Logroño.
• 
  Medinaceli, España
• 
  Arcadas eno Pazo Sponza en Dubrovnik.
• 
  Avilés, Asturias
• 
  Plaza Mayor de Salamanca
• 
  Plaza del Castillo, Pamplona.
• 
  Plaça Reial, Barcelona.
• 
  Plaza de la Corredera, Córdoba, España.
• 
  Basílica palladiana, Vicenza, Italia.
• 
  Via Montenapoleone, Milán.
• 
  Place Saint-Louis (Metz).
• 
  Place des Vosges, París.
• 
  Soportais na praza maior de Poznan, Polonia.