Srinivasa Ramanujan

Srinivāsa Aiyangār Rāmānujan (en támil : ஸ்ரீனிவாஸ ஐயங்கார் ராமானுஜன்; tamén coñecido coa grafía inglesa Srinivasa Ramanujan Iyengar o simplemente como Ramanujan), nado en Erode o 22 de decembro de 1887 e finado en Kumbakonam o 26 de abril de 1920 foi un matemático autodidacta indio.

Srinivasa Ramanujan

Biografía
Nacemento	22 de decembro de 1887 Erode (Raj Británico)
Morte	26 de abril de 1920 (32 anos) Kumbakonam (Raj Británico)
Causa da morte	Amebíase
Residencia	George Town (en) Triplicane (en) Karur district (en)
Grupo étnico	Tâmeis (pt)
Relixión	Hinduísmo e Sanātana Dharma (en)
Educación	Trinity College (1914–1916) Pachaiyappa's College (en) - sen valor (1906–1907) Government Arts College, Kumbakonam (en) - sen valor (1904–1905) Town Higher Secondary School (en) (1898–1904) Universidade de Cambridge
Tese académica	Highly Composite Numbers (en)  (1915 )
Director de tese	Godfrey Harold Hardy e John Edensor Littlewood
Actividade
Campo de traballo	Combinatoria, teoría de números e matemático
Ocupación	matemático, contable
Empregador	Trinity College (1916–1919) Chennai Port (en) (1912–1914)
Membro de	Royal Society
Interesado en	Cadrado máxico, Cuadratura do círculo, Serie, Número suave, integer partition (en) , función hiperxeométrica, integral definida (pt) e função elíptica (pt)
Profesores	John Edensor Littlewood
Influencias	George Shoobridge Carr (pt)
Obra
Obras destacables constante de Landau–Ramanujan (pt) ../... 23+
Familia
Cónxuxe	Janakiammal
Premios
(13 de outubro de 1918)  Fellow of Trinity College (en) (2 de maio de 1918)  Membro da Royal Society
Sinatura
Descrito pola fonte	Enciclopedia Soviética Armenia Obálky knih,

Traxectoria

Cunha mínima educación académica en matemáticas puras fixo contribucións extraordinarias á análise matemática, á teoría dos números, ás series e ás fraccións continuas. Ramanujan desenvolveu inicialmente a súa propia investigación matemática en forma illada que foi rapidamente recoñecida polos matemáticos indios. Cando as súas habilidades se fixeron evidentes para unha comunidade matemática máis ampla, centrada nese momento en Europa, comezou a súa célebre colaboración co matemático británico G. H. Hardy. Redescubriu teoremas coñecidos previamente, ademais de producir moitos outros novos.

Durante a súa curta vida, Ramanujan foi capaz de recompilar independentemente case 3900 resultados (na súa maioría identidades e ecuacións).^[1] Case todas as súas achegas demostráronse correctas, aínda que algunhas xa eran coñecidas previamente.^[2] Logrou resultados que eran á vez orixinais e moi pouco convencionais, como os números primos de Ramanujan e a función theta de Ramanujan, que á súa vez inspiraron unha gran cantidade de investigacións.^[3]