Susana Dans

Susana Dans López, nada na Coruña o 13 de agosto de 1965, é unha actriz galega.

Susana Dans

(2015)
Biografía
Nacemento	13 de agosto de 1965 (60 anos) A Coruña, España
Actividade
Ocupación	presentadora de televisión, actriz de cinema, actriz, actriz de televisión
Premios
(2014)  Premio María Casares á mellor actriz protagonista (2011)  Premio Mestre Mateo á mellor interpretación feminina protagonista, premiado polo traballo Emilia Pardo Bazán, a condesa rebelde (2008)  Premio María Casares á mellor actriz protagonista (2005)  Premio María Casares á mellor actriz secundaria (2002)  Premio María Casares á mellor actriz secundaria (2000)  Premio María Casares á mellor actriz protagonista

Traxectoria

Coñecida especialmente polo seu papel de Olimpia na serie da TVG Pratos combinados, á que se incorporou trala marcha de Mabel Rivera para cubrir o oco deixado pola actriz.

Á marxe deste traballo cabe destacar a súa traxectoria teatral, entre a que destacan as obras O ano da cometa, que lle valeu en 2005 o premio de teatro María Casares á mellor actriz secundaria que xa gañara previamente en 2002 coa montaxe Rosalía, ou Mulleres, coa que foi merecedora do Premio de Interpretación Teatral Maruxa Villanueva en 2003. En 1987 participou na montaxe d' A pousadeira feita polo Centro Dramático Galego. En 2009 actuou n' As dunas, de Manuel Lourenzo.

En cine traballou nas longametraxes Divinas palabras (1987), de José Luis García Sánchez; Martes de carnaval (1991), de Fernando Bauluz e Pedro Carvajal e Blanca Madison (1998) de Carlos Amil, así coma na curtametraxe Cabeza de boi (1996), de José Carlos Soler. Tamén traballou na televisión, presentando o programa da TVG Arroz con chícharos (1990-1991) e participando na serie Hospital Real (2015).

Galardóns e nomeamentos

Premios Mestre Mateo

Ano	Categoría	Título	Resultado
2011	Mellor actriz	Emilia Pardo Bazán, a condesa rebelde	Gañadora