TTS 1

TTS 1 (Test and Training Satellite 1), tamén coñecido como TETR 1 e ERS 30, foi un satélite artificial estadounidense lanzado o 13 de decembro de 1967 mediante un foguete Delta E desde Cabo Cañaveral.^[2][5]

TTS 1 / ERS 30 / TETR 1
Tipo	Tecnolóxico
Destino actual	Reentrado na atmosfera.[1]
Data de lanzamento	13 de decembro de 1967[1][2][3][4]
Foguete portador	Delta E[2][5]
Sitio de lanzamento	Cabo Cañaveral[2]
Obxectivo da misión	Desenvolvemento de tecnoloxía e estudo do medio ambiente espacial.[2]
Decaemento	28 de abril de 1968[1]
NSSDC ID	1967-123B
Masa	20,0 kg[2][6][7]
v c e

Características

TTS 1 foi un dos membros exitoso da familia de satélites ERS (Environmental Research Satellites), pequenos satélites lanzados como carga secundaria xunto satélites máis grandes para facer probas tecnolóxicas e estudos do contorno espacial. TTS 1 foi lanzado no mesmo foguete que Pioneer 8 e a súa función foi servir de satélite de adestramento para as estacións terrestres asignadas ó proxecto Apollo, para o cal levaba a bordo un transpondedor de 9,5 vatios en banda S (2101,9 MHz e 2283,5 MHz). Tiña forma de octaedro duns 30 cm de lado e a alimentación eléctrica era proporcionada por células solares que recubrían a superficie do satélite e que recargaban as baterías de a bordo, de níquel-cadmio. TTS 1 foi inxectado nunha órbita inicial menor do planeada, de 482 km de apoxeo e 293 km de perixeo, cunha inclinación orbital de 32,9 graos e un período de 92,3 minutos, reentrando na atmosfera o 28 de abril de 1968, chegando a cumprir a súa misión de todos modos.^{[1][2][3][6][7]}