TUI fly Netherlands

TUI fly Netherlands, legalmente constituída como TUI Airlines Netherlands e anteriormente denominada Arkefly e Arke,^[1] é unha aeroliña chárter neerlandesa con sede en Schiphol-Rijk.^[2] É a filial neerlandesa do conglomerado alemán TUI Group e a súa base principal está no aeroporto de Ámsterdam-Schiphol.

TUI fly Netherlands
Instancia de	aeroliña
Persoas e organizacións
Matriz	TUI Travel (en)
Actividade
Elemento operado 6 Boeing 737 MAX 8 4 Boeing 787-8 (en)
Data
Fundación	2005
Localización
País	Países Baixos
Sede	Schiphol-Rijk (en)
Fontes e ligazóns
Páxina WEB	tui.nl
[ Wikidata ] [ C:Commons ]

Historia

TUI fly Netherlands ten as súas raíces en Air Holland, aeroliña fundada no ano 1981. Despois de problemas económicos Air Holland pasou a mans do Exel Aviation Group e tivo un novo comezo como HollandExel en marzo de 2004. En maio de 2005 o Exel Aviation Group declarouse en bancarrota. TUI Group fíxose cargo das actividades da aeroliña e bautizouna como ArkeFly. Ese nome procedía do maior turoperador neerlandés, Arke, que tamén é propiedade de TUI Group. A nova aeroliña operou o seu primeiro voo en setembro de 2005.

As operación en Curaçao, nas Antillas Neerlandesas, comezaron o 15 dexullo de 2004 como DutchCaribbeanExel, que era orixinalmente parte do Exel Aviation Group, pero posteriormente pasou a mans do TUI Group co nome de ArkeFly Curaçao. ArkeFly comezou a voar semanalmente a Sint Maarten dende Ámsterdam o 2 de decembro de 2007, pero deixou de operar ese servizo en novembro de 2008. En 2011 comezaron os servizos cara Orlando, Florida e Israel.

No mes de outubro de 2013 Arkefly cambiou o seu nome para Arke coa intención de reflectir a súa asociación coa axencia de viaxes do mesmo nome.

O 13 de maio de 2015 anunciouse que as cinco aeroliñas subsidiarias do TUI Group recibirían o nome de TUI, aínda que manterían certificados de operador distintos. Arke foi a primeira en cambiar o nome, sendo renomeada o 1 de outubro dese ano.^[3]

Frota

Boeing 737-800

Boeing 787-8

En decembro de 2020 a frota de TUI fly Netherlands estaba formada polos seguintes avións:^[4]

Frota de TUI fly Netherlands

Avión	En servizo	Pedidos	Pasaxeiros			Notas
			P	Y	Total
Boeing 737-800	1	—	–	189	189	Vai ser retirado en 2020.
Boeing 737 MAX-8	3	3	–	189	189	Están almacenados polos problemas do modelo.
Boeing 767-300ER	1	—	31	264	295	Vai ser retirado en 2020.
Boeing 787-8	3	—	47	244	291
			18	291	309
Total	8	—