Ternate

Ternate é unha illa e cidade na provincia de Molucas do Norte, nas Illas Molucas, ao leste de Indonesia. A illa está localizada na costa occidental da illa de Halmahera. Ternate é a cidade máis grande da provincia.

Este artigo é sobre a illa e cidade en Indonesia. Ver Ternate, nas Filipinas.

Ternate

Tipo	illa
Situado na entidade xeográfica	Molucas
Localización
División administrativa	Ternate, Indonesia (pt)
0°47′00″N 127°22′00″L
Bañado por	Océano Pacífico
Características
Altitude	1.715 m
Punto máis alto	Gamalama (pt)  (1.715 m )
Superficie	111,39 km²

Historia

Ata a colonización neerlandesa do século XIX, os sultáns de Ternate mandaban un imperio que se estendía desde as Célebes ("Sulawesi") a Papúa. O principal competidor era o próximo sultanato de Tidore.

Os primeiros europeos en chegar a Ternate foron os que formaban parte da expedición portuguesa de Francisco Serrão na que tamén viaxaba Fernão de Magalhães que posteriormente intetaría chegar a este mesmo lugar viaxando polo oeste. Esta expedición afundiu preto de Ceram. O sultán de Ternate, pensando que podería aproveitarse do poderío militar portugués, levou á expedición á súa illa e permitiu aos portugueses construír unha fortaleza (1512).

Cando a expedición española comandada por García Jofre de Loaisa chegou ás Molucas en 1526 e creou un forte na próxima illa de Tidore, Portugal atácaa desde o seu en Ternate. En 1575 o sultán expulsa aos portugueses do forte.

En 1606, forzas españolas capturan o forte, deportando ao sultán a Manila. En 1607 os holandeses constrúen outro forte na illa, Malaio. En 1663 os españois son expulsados.

En 1999 e 2000 Ternate sufriu violencia relixiosa entre cristiáns e musulmáns.