Threskiornis

Threskiornis é un xénero de aves da orde dos pelecaniformes da familia dos tresquiornítidos e subfamilia dos tresquiornitinos.^[1][2]

Threskiornis
Ibis sagrado (Threskiornis aethiopicus)
Clasificación científica
Reino: Animalia Filo: Chordata Clase: Aves Orde: Pelecaniformes Familia: Threskiornithidae Subfamilia: Threskiornithinae Xénero: Threskiornis G. E. Gray, 1842
Especies e Subespecies
Véxase o texto

Inclúe cinco especies vivas de ibis do Vello Mundo que habitan no sur de Asia, Australasia e na África subsahariana,^[3] e unha máis, non voadora, extinguida no século XVIII.

Taxonomía

Descrición

O xénero foi descrito en 1842 polo naturalista inglés George Robert Gray, irmán do máis famoso John Edward Gray,^[4] na súa obra A list of the genera of birds Ed.2, Appendix p. 13.^[5]

Etimoloxía

O nome científico Threskiornis está formado pola raíz do adxectivo do grego antigo θρῆσκος, thrẽskos, "relixioso", "devoto", e o nome ὄρνις órnis, "paxaro", "ave".^[6]

Especies e subespeces

Na actualidade, a maioría dos autores recoñecen no xénero as especies seguintes,^{[7][8][9][10]} coas subespecies que se indican.^[11]

Threskiornis G. R. Gray, 1842

• Threskiornis aethiopicus (Latham, 1790)
• Threskiornis bernieri (Bonaparte, 1855)
  • Threskiornis bernieri abbotti (Ridgway, 1893)
  • Threskiornis bernieri bernieri (Bonaparte, 1855)
• Threskiornis melanocephalus (Latham, 1790)
• Threskiornis molucca (Cuvier, 1829)
  • Threskiornis molucca molucca (Cuvier, 1829)
  • Threskiornis molucca pygmaeus Mayr, 1931
• Threskiornis solitarius ¡ (Selys-Longchamps, 1848)
• Threskiornis spinicollis (Jameson, 1835)

Porén, algúns autores considean que Threskiornis bernieri (Bonaparte, 1855), de Madagascar, que está en perigo de extinción,^[9] é unha subespecie do ibis sagrado, (Threskiornis aethiopicus bernieri).^{[Cómpre referencia]}

Características

Os ibis adultos do xénero Threskiornis miden normalmente uns 75 cm de longo e teñen a plumaxe de corpo branca. A cabeza, o pescozo e as patas (espidas) son negras. A peteiro é groso e curvado. Ambos os sexos son semellantes, pero os inmaturos teñen o pescozo máis branco.

Threskiornis spinicollis difire das outras especies por ter as partes superiores escuras, polo que algúns autores sitúano nun xénero separado, Carphibis (Jameson, 1835), como Carphibis spinicollis.^[12]

Bioloxía

Habitan en zonas húmidas pantanosas e aliméntanse de diversas especies de peixes, anfibios, crustáceos e insectos.

Son criadores coloniais que constrúen un niño de pau nunha árbore ou nun arbusto no que depositan de dous a catro ovos.