Trasmiras

Trasmiras é un concello da provincia de Ourense, pertencente á comarca da Limia. Segundo o padrón municipal, en 2014 tiña 1.456 habitantes (1.828 en 2003). O xentilicio é trasmirao.^[1]

Para outras páxinas con títulos homónimos véxase: Trasmiras.

Trasmiras

Localización
42°01′22″N 7°37′00″O
Estado	España
Comunidade autónoma	Galicia
Provincia	provincia de Ourense
Capital	Trasmiras
Poboación
Poboación	1.220 (2024) (21,5 hab./km²)
Xeografía
Parte de	Mancomunidade Voluntaria de Concellos da Comarca da Limia
Superficie	56,74 km²
Altitude	654 m
Comparte fronteira con	Xinzo de Limia Sarreaus Cualedro
Organización política
• Alcalde	Emilio Pazos Ojea
Eleccións municipais en Trasmiras
Identificador descritivo
Código postal	32...
Fuso horario	UTC+01:00
Código INE	32082
Sitio web	trasmiras.opennemas.com

Xeografía

O concello, de 56,7 km², abrangue 9 parroquias. O noroeste do concello está regado pola bacía do río Limia. Outras cuncas importantes son as do río Trasmiras e o Faramontaos. A Veiga de Limia é un espazo natural de 1.400 hectáreas, que se estende por este concello e o veciño de Xinzo de Limia. É unha zona húmida que quedou illada tralo desecamento da lagoa de Antela.

O concello está atravesado pola estrada N-525 e pola autovía A-52.

Historia

A zona estivo poboada pola tribo dos límicos. Trala romanización de Galicia quedou baixo influencia do Forum Limucorum. Na idade media quedou baixo influencia do condado de Lemos.

Patrimonio

Destacan varias igrexas de estilo románico: a de Santa María de Zos consérvase completamente neste estilo, cunha fachada con tres arquivoltas. As de San Xoán de Trasmiras e San Salvador de Vilar de Lebres sufriron reformas posteriores. A de San Martiño de Abavides tamén foi modificada, e o seu retablo foi restaurado. A carón da igrexa hai un cruceiro.

En Santa Mariña de Escornabois hai un peto de ánimas que forma conxunto cun cruceiro.

En Vila de Rei hai unha ermida sobre un outeiro.

Demografía

Censo total	1.456 (2014)
Menores de 15 anos	84 (5,77 %)
Entre 15 e 64 anos	751 (51,58 %)
Maiores de 65 anos	621 (42,65 %)

Evolución da poboación de Trasmiras   Fontes: INE e IGE.
1900	1930	1950	1981	2004	2009	2011	2012	2013	2014	2015	2016	2017	2018	2019	2020	2021	2022	2023	2024
2.679	3.169	3.638	3.893	1.786	1.656	1.560	1.534	1.500	1.456
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Galería de imaxes

Artigo principal: Galería de imaxes de Trasmiras.

• 
  Casa da Cultura de Trasmiras
• 
  Igrexa de Santa María de Zos
• 
  Igrexa parroquial de San Xoán de Trasmiras

Parroquias

Galicia | Provincia de Ourense | Parroquias de Trasmiras
Abavides (San Martiño) | Chamosiños (Santa Baia) | Escornabois (Santa María) | Lobaces (Santa María) | Trasmiras (San Xoán) | Vila de Rei (San Salvador) | Vilar de Lebres (San Salvador) | Vilaseca (San Román) | Zos (Santa María)

Lugares de Trasmiras

Para unha lista completa de todos os lugares do concello de Trasmiras vexa: Lugares de Trasmiras.