Unión Musical Ponteledesma

A Banda de música Unión Musical Ponteledesma é unha agrupación musical con sede na parroquia de Gres, no concello de Vila de Cruces. Toma o seu nome da ponte que cruza o río Ulla e une Gres coa parroquia de Ledesma, no concello de Boqueixón.

Banda de música Unión Musical de Ponteledesma

Anos de actividade	1987-actualmente
Enderezo	Auditorio Bernardo García del Río, s/n - Gres, Vila de Cruces
Estado	activa
v c e

Historia

Foi fundada en 1987, anos despois da desaparición da veciña banda de Cira, con Bernardo García del Río na batuta, que xa estivera na citada de Cira. Entre 1990 e 1995, a agrupación estivo dirixida por Rafael Rossell e José Luis Represas Carrera. En 1995 tomou as rendas Miguel Rodríguez Barrio, durante a dirección do cal se puxo en marcha un festival de bandas anual en 1997. Tras este, no ano 2002 a dirección recaeu en Roberto Hermida Rey. Dende entón a banda recibiu premios en certames a nivel galego e no resto de España.

Véxase tamén

Ligazóns externas

• Xan Salgueiro (8 de agosto de 2010). "Unha terra de bandas (VIII)". Faro de Vigo.