Vista de Delft

Vista de Delft (Gezicht op Delft) é unha pintura do pintor neerlandés Johannes Vermeer. Este óleo sobre lenzo foi pintado en Delft entre 1659 e 1660 e actualmente está exposto na pinacoteca Mauritshuis, na cidade da Haia.^[1]

Vista de Delft
Instancia de pintura
Movemento Pintura do século de ouro dos Países Baixos Barroco
Xénero artístico paisagem de cidade (pt)
Material pintura ao óleo lenzo
Propietario Pieter van Ruijven (pt) Magdalena van Ruijven Abraham Dissius Jacob Dissius (pt)
Código do catálogo 48 Johannes Vermeer catalog raisonné, 1908 (en) 13 Gerrit Adriaensz. Berckheyde (1638-1698) : Haarlem cityscape painter (en) 106 Dutch Painting (en)
Autoría
Creador/a Johannes Vermeer
Temática
Representa a ceo Kolk (en) trekschuit (en) trekvaart (en) Igrexa nova de Delft Rotterdamse Poort (en) Delft Schiedamse poort (en) nube porto reflexão especular (pt)
Datas e cronoloxía
Data de creación década de 1660
Período Barroco
Dimensións
Altura 96.5 cm
Anchura 115.7 cm
Localización
Localización Mauritshuis
Colección Mauritshuis
Lugar de creación Delft Stadsherberg Buyten (en)
Fontes e ligazóns
Descrito pola fonte Dutch landscape painting of the seventeenth century
[ Wikidata ] [ C:Commons ]

Descrición

Vista de Delft representa unha parte da cidade que foi o berce de Vermeer, baixo a perspectiva do vedutismo; unha pintura moi detallada dunha paisaxe urbana. Xunto con A canella, trátase da única paisaxe da obra do pintor e é a única representación dun vasto espazo.^[2] A representación de Delft realízase desde a cara sur, ollando cara ao norte, desde a outra beira do porto fluvial. Pódese ver en primeiro plano a canle, enmarcada polas portas de Schiedam (á esquerda) e Rotterdam (á dereita), así como a Igrexa Nova (Nieuwe Kerk) protestante iluminada no fondo polos raios do Sol^[3]. Esta igrexa non ten campás, o que permite a súa datación, xa que se coñece que foron colocadas de maio de 1660. Pódese recoñecer tamén a torre cónica dunha cervexaría desaparecida posteriormente.^[4]

Interpretación e comentario

Marcel Proust cualificou Vista de Delft nunha carta ao seu amigo Jean-Louis Vaudoyer como "a pintura máis fermosa do mundo". Describe o cadro no quinto volume da súa novela À la recherche du temps perdu ("Na procura do tempo perdido"), despois de descubrilo no museo de Jeu de Paume, en París, en 1921. Faino nestes termos:^[5]

Decatouse por primeira vez dos pequenos personaxes en azul, de que a area era rosa e, finalmente, da preciosa materia do pequeno lenzo amarelo. O seu atordamento aumentaba; fixou a súa ollada, coma un neno, nunha bolboreta amarela que quixo coller, no precioso lenzo. "É así como debería describilo, dixo. Os meus últimos libros son demasiado secos; sería necesario pasar varias capas de cor, tornar a miña linguaxe precionsa en si mesma, coma este pequeno lenzo amarelo".

Rastrexabilidade da obra

• Data de creación descoñecida: adquirida por Pieter van Ruijven (1624-1674) en Delft, a Johannes Vermeer (1632-1675).
• (?) 1674: herdada por Magdalena van Ruijven (-1682).
• (?) Cara a 1695: pertence a Jacob Dissius.
• 16 de maio de 1696: venda da colección de Jacob Dissius.
•   2 de maio de 1822: adquirida por Jeronimo de Vries na venda da colección Anna Johanna Teding van Berckhout-Kops.
• 1822: comprada polo Gabinete Real de Pinturas Mauritshuis, da Haia.