Weka

O weka, tamén coñecido popularmente como galiña maorí^[2] (Gallirallus australis) é unha especie de ave non voadora da familia dos rálidos. É endémica de Nova Zelandia. É o único membro existente do xénero Gallirallus.^[3] Recoñécense catro subespecies pero só dúas (norte/sur) están apoiadas por evidencia xenética.^[4]

Weka
Weka na Illa Sur, Nova Zelandia.
Estado de conservación
Vulnerable[1]
Clasificación científica
Reino: Animalia Filo: Chordata Clase: Aves Orde: Gruiformes Familia: Rálidos Xénero: Gallirallus Especie: G. australis
Nome binomial
'Gallirallus australis' (Sparrman, 1786)
Distribución. Distribución.

Son robustos paxaros pardos, do tamaño dun polo. Como omnívoros, aliméntanse principalmente de invertebrados e froitos. Adoitan poñer ovos entre agosto e xaneiro; ambos os sexos axudan a incubar.