Yang Mo

Yang Mo (en chinés tradicional: 楊沫; en chinés simplificado: 杨沫; en pinyin: Yáng Mò), nada o 25 de agosto de 1914 e finada o 11 de decembro de 1995, foi unha escritora chinesa. A súa obra máis coñecida é Qingchun zhi ge (en galego: A canción da mocidade), adaptada ao cinema en 1959.

Yang Mo

Biografía
Nacemento	25 de agosto de 1914 Pequín, República Popular da China
Morte	11 de decembro de 1995 (81 anos)
Actividade
Campo de traballo	Escrita creativa e profesional e prosa
Ocupación	novelista, escritora
Partido político	Partido Comunista de China
Obra
Obras destacables Song of Youth (en)
Familia
Cónxuxe	Ma Jianmin
Parella	Zhang Zhongxing (1930–1935)
Fillos	Bo Ma  () Ma Jianmin
Descrito pola fonte	Biographical Dictionary of Chinese Women: The Twentieth Century Bloomsbury Guide to Women's Literature (en)

Pseudónimos

Yang Mo é o pseudónimo principal de Yang Chengye (杨 成业), que tamén empregou os nomes Yang Junmo (杨 君茉) e Xiao Hui (小慧).

Traxectoria

Yang Mo naceu o 25 de agosto de 1914 en Beijing, na República da China. O seu pai era un intelectual e fundador dunha universidade privada. A súa terceira irmá, Yang Chengyun, nada en 1920, chegou a ser unha actriz de gran sona polas súas actuacións no teatro, na ópera e no cinema baixo o pseudónimo de Bai Yang.^[1]

En 1931 o pai desapareceu tras a quebra dos seus negocios, deixando á familia na ruína. Yang Mo, que estudaba a secundaria, tivo que abandonar o instituto para traballar como profesora de primaria e como libreira.^[2] En 1936 afiliouse ao Partido Comunista da China e, ao ano seguinte, viaxou a Hubei para incorporarse á loita contra os xaponeses.^[3]

Finou o 11 de decembro de 1995.

Publicacións

• Wei tang ji shi (1950)
• Qingchun zhi ge (1958)
• Hong hong de Shandan hua (1978)
• Dongfang yu xiao (1980)
• Bu shi riji de riji (1980)
• Yang Mo sanwen xuan (1981)
• Dahe yu langhua (1982)
• Yang Mo xiaoshuo xuan (1982)
• Zibai: wo de riji (1985)
• Fang fei zhi ge (1986)
• Yinghua zhi ge (1990)^[4]