crista

Substantivo feminino

crista (sg: crista; pl: cristas)

1. (Zooloxía) Carnosidade ou carúncula que presentan no cumio da cabeza algunhas aves da orde das galiformes, que normalmente está máis desenvolvida nos machos.
   • Exemplo: A perdiz e o paspallás, aínda que son galiformes, non teñen crista.
     

1. (Zooloxía) Copete, moño ou penacho de plumas que adorna a cabeza dalgunhas aves.
   • Exemplo: O corvo mariño cristado debe o seu nome a que, na época nupcial, exhibe unha pequena crista negra.
     

1. (Anatomía) Nome de diversas estruturas do organismo. Aplícase especialmente ás eminencias óseas estreitas e acabadas en punta.
   • Exemplo: Crista ilíaca.
     

1. (Zooloxía) En xeral, e por extensión, calquera liña saínte, alta, continua e ordinariamente cortante, situada en calquera parte do corpo de calquera animal, especialmente dos insectos.
2. Por extensión, protuberancia pequena que presenta unha superficie calquera.
3. (Botánica) (Polygonum persicaria) Planta herbácea da familia das poligonáceas, con flores rubias e follas lanceoladas que acostuman ter unha mancha negra.
   • Sinónimos: beldro, cristo, herba pulgueira.
4. (Botánica) Apéndice dorsal do pétalo anterior das polígalas.
5. (Botánica) Arilo de pequeno tamaño que se forma sobre o rafe.
   • Exemplo: Moitas sementes das papaveráceas presentan crista.
     

1. (Botánica) En xeral, prominencia de bordo máis ou menos serrado ou dentado, perpendicular a unha superficie.
2. (Mineraloxía) Masa de cristais de formas obtusas e indeterminadas, delgadas e cos bordos arredondados.
3. (Figurado) Cume penedoso, máis ou menos afiado, dunha montaña.
   • Exemplo: Ao fondo, divisábanse as cristas do Monte Kenya.
     

1. (Figurado) Cume dunha onda cuberta de escuma.
   • Exemplo: O surfista deslizouse con habilidade sobre a escumosa crista da onda.
     

1. (Xeomorfoloxía) Relevo agudo e alongado que constitúe a liña que separa dúas vertentes principais dunha montaña.
   • Sinónimos: aresta.
2. (Xeoloxía) As partes máis altas dunha dobra anticlinal.

Galería

• 
  A mouta de plumas ou moño que adorna o cumio da cabeza de certas aves tamén se denomina (impropiamente) crista.
• 
  Crista saxital no cumio do cranio do homínido Paranthropus aethiopicus.
• 
  Crista (ou vela) dun Spinosaurus.
• 
  Estrutura dunha mitocondria (o número 3 indica unha das cristas)

Termos relacionados

• crista de galiña
• crista de galo
• crista de presión
• crista filoniana
• crista frontal
• crista ilíaca
• crista lambdoide
• crista mamaria
• crista mitocondrial
• crista monoclinal
• crista nasal
• crista neural
• crista occipital
• crista prelitoral
• crista saxital
• crista xenital
• cristado
• cristas de galo

Substantivo feminino

crista (sg: crista; pl: cristae)

1. (Anatomía) Crista.

Termos relacionados

• crista cutis
• crista galli
• crista ulnae