paralelo

Adxectivo

paralelo (ms: paralelo; mpl: paralelos; fs: paralela; fpl: paralelas)

1. (Xeometría) Dise das liñas ou dos planos que gardan sempre a mesma distancia entre si, polo que nunca chegan a encontrarse con outra ou outro por moito que se prolonguen.
   • Exemplo: Dúas liñas paralelas nunca se cortan.
     

1. Que é correspondente, semellante ou análogo a algo.
   • Exemplo: A súa evolución intelectual foi paralela á experimentada polo seu pai.
     

1. Que sucede ao mesmo tempo.
   • Exemplo: A novela narra dúas vidas paralelas.
     

1. Que se corresponde en maior ou menor medida co oficial, legal, etc., pero que está á marxe.
   • {{exemplo|Contabilidade paralela.
2. (Figurado) Que segue a mesma dirección, que mantén a mesma liña, que ten o mesmo obxectivo ou que tende ao mesmo resultado.
   • Exemplo: Ambos os científicos realizaron experiencias paralelas.