Mínga Guasu
From Wikipedia, the free encyclopedia
Remove ads
Mínga Guasu ha'ehína peteĩ táva Tetã Paraguáipe, kuarahyresẽ gotyo. Oĩhína tetãvore Parana Hi'ariguápe. Ko távape oiko 60 719 ava.
| Mínga Guasu Minga Guazú | ||
|---|---|---|
| Tetã |  Paraguái | |
| Tetãvore | Parana Hi'arigua | |
| Avaitakue | 60 719 ava | |
| Aperaꞌã | 489 km² | |
| ISO | PY-10 | |
| Yvatekue | 241 m | |
| Koordinasiõ | ||
Térarapokuaa
“Mínga” kechuañeꞌẽme heꞌise “mbaꞌapo oñondivegua” ha guasu avañe'eme heꞌise “tuicha”, ñambojoajúvo ikatu jaꞌe tuicháva mbaꞌapo oñondivegua.
Ararova
Akuve jave oguahẽ 38 °C, hoysãvevo 0 °C ha mbyte katu 21 °C. Alto Paraná ryepýpe haꞌe okyveha opaveve távagui oĩva Tetã Paraguáipe.
Avaitakue
Oguereko 60 719 ava, koꞌã apytégui oĩ 31 358 kuimbaꞌe ha 29 361 kuña, Dirección General de Estadísticas, Encuestas y Censos marandúicha.
Tembiasakue
Oiko ary 1958 heta mitãrusu oho kaꞌaguy mbytépe oñepyrũrõ guare Kolónia Presidénte Stroessner. Ombaꞌapo hikuái oñondivepa arakõi jave paꞌi salesiano Guido Coronel poguýpe, haꞌe peteĩ motenodehára mbarete tendapegua, peicha oñepyrũ ombaꞌpo hikuái oñondive. Oñepyrũ tavaꞌi ramo Ley N° 623 22 de marzo de 1990pe. Haꞌe tenda oguerahava Paraguái tavarandu iñapytuꞌũme, avei oĩ ambue mbaꞌéva, techapyrãrõ Vrasil.
Remove ads
Tavaygua rembiapo
Viru reheguáva oĩ pe hérava Cooperativa, ombyatýva tendaguápe,koꞌága oikóva chugui peteĩ mbaꞌe tuichapajepéva. Kóga rehegua pe hetave oĩva haꞌe sója, avei avati, mandiꞌo, mandyju, trigo, kaꞌa, takuareꞌẽ, ryguasu, kaꞌavo ha kumanda. Ñandyry apoha tuichavéva Paraguái ryepýpe oĩ táva Mínga Guasúpe, avei “Cargill” mbaꞌapoha tuicháva.
Tenda jehayhu
Aeropuerto Guaraní jajuhu avei Mínga Guasúpe, peteĩ mbaꞌyruveve guejyha tuicha ha iporãva ojoguáva heta hendápe oĩva Latinoamérika ryepýpe, 4 km Rrúta VII "Dr. Gaspar Rodríguez de Francia"-gui ha 26 km Siuda del Éhtegui mombyry.
Expo Mínga Guasu oiko opa ary jasyporundýpe, arete sánto haꞌe mokõipa irundy jasypo, María Auxiliadora Ára. Poteĩ jasypoteĩme oñemoañete Mingagua Ára ("Día del Minguero"). Oguereko mokõi tenda tavaygua, peteĩva km 20-pe ha ambuéva km 16-pe. Peteĩha megua ary 1966 ojejapo mboꞌehao ha tupão ha'eva patrona del agro "María Auxiliadora"-pe g̃uarã. Upe rire oiko Cooperativa Minga Guasu, ogueruvaꞌekue jeikoporãve tapichakuéra tendaguápe.
Ambue hendápe katu oĩ instituciones públicas ha mboꞌehao Don Bosco. Avei oĩ ysyry guasukuéra Monday, Akaray, ysyryꞌi Akaraymi ha Santa María. Peteĩ mbaꞌe iporãmbajepéve haꞌe pe Paraíso Golf Club, oĩva 24 km Siuda del Éhtegui Ruta VII rupi. Ypa jerére oĩ bungalows ohóvape guara, kavaju ári jeiko, huꞌy rehegua ha ñembosaraki, ypápe katu pira jekutu rehegua, tilapia umía. Tembiꞌu apaichgua ikatu rejuhu upe restaurante del club, jahuha japopyre ykére. Mitãnguérape guara avei oĩ opaichagua ñembosarái. Mangapykuua rehegua avei oĩmbaite, vóley de playa, futbol 5, tenis ha tenis de mesa. Golf avei, umi yvyraty mbytére oñembosarái opaichagua ava.
Remove ads
Guahẽ rape
Ndahasýi oguahẽ távape tape hérava Rrúta VII rupi, avei ikatu oguahẽ Ẽkarnasiõ peve Rrúta VI rupive.
Manduꞌapy
- Geografía Ilustrada del Paraguay. Distribuidora Aramí SRL. 2007. ISBN 99925-68-04-6
- Geografía del Paraguay. Primera Edición. 1999. Editorial Hispana Paraguay SRL.
Joajuha okapeguándi
Wikiwand - on
Seamless Wikipedia browsing. On steroids.
Remove ads