Séichele
From Wikipedia, the free encyclopedia
Remove ads
Séichele térã Seychelles, héra tee hína Tavakuairetã umi Seychelles pegua (Ingleñe'ẽme, Republic of Seychelles; Hyãsiañe'ẽme, République des Seychelles; Séichele krióllo ñe'ẽme, Repiblik Sesel) ha'e niko tetã hekosãsóva ijyvy apekue oĩva 115 ypa'ũre, ko ypa'ũ aty ojejuhúva upe paraguasu Índiko-pe, tetã Mandagaka guive yvate kuarahyresẽ ngotyo, ijyvy apekue hetakue ohupyty amo 455 km².[1] Ko tetã oĩ hína Tetãnguéra Ñembojoajúme.
Itavusu hína ku táva Victoria, ojejuhúva upe ypa'ũ hérava Mahé-pe ha oiko ko távape mbohapýgui peteĩ umi oikóvagui ko tetãme. Ko távape opyta avei upe pepo'atãrupa peteĩva ha ygarupa guasu peteĩva oĩva ko tetãme.
Séichele-pe ojehecha opaichagua mymba ha ka'avo ambuéva, ko tetãme añónte ojejuhúva, hetaite ju'i, pira ha karumbe guasu ndoikóiva ambue tendápe. Séichele ypa'ũnguéra y hembe'y porãite, hi'arahakumeméva, upéicha ko tetãme heta tapicha tetãnguéra ambuéva oho ohasa porãmi hag̃ua.
Tapichakuéra Séichele pegua ijypykue niko Áfrika ha Hyãsia pegua, hákatu ko'ãga ojejuhu avei tapichakuéra ijypykue Chína ha Índia pegua.
Tetã Séichele oreko yvypóra ñakãrapu'ã rechaukaha iporãvéva opaite Áfrika pegua, hákatu ojehecha gueteri tekotevẽ ha hetaite tetãygua imboriahuitereíva.
Remove ads
Mandu'apy
Joaju
Wikiwand - on
Seamless Wikipedia browsing. On steroids.
Remove ads