Martin Luther King
From Wikipedia, the free encyclopedia
Remove ads
Martin Luther King Jr. (An haife shi ranar 15 ga watan Janairu, 1929 - 4 ga watan Afrilun 1968) ɗan gwagwarmaya ne na kare haƙƙin bil'adama daga ƙasar Amurka. Ya kasance limamin cocin Baftis kuma babban jagora a fafutukar kawar da wariyar launin fata a Amurka ta hanyar amfani da dabarun rashin tashin hankali da sulhu.[1]
.svg){kind=small}
.gif){kind=small}
Remove ads
Farkon rayuwa
An haifi Martin Luther King Jr. a garin Atlanta, jihar Georgia a Amurka. Mahaifinsa, Martin Luther King Sr. limamin coci ne, yayin da mahaifiyarsa Alberta Williams King ta kasance malama. Ya tashi cikin iyali mai kishin addini da ilimi.
Ilimi
King ya halarci Morehouse College, inda ya karanci falsafa. Daga nan ya tafi Crozer Theological Seminary inda ya sami digiri, kafin daga bisani ya kammala karatun digirin digirgir (Ph.D.) a Boston University a shekarar 1955.
Gwagwarmaya
King ya fara shahara bayan ya jagoranci zanga-zangar a Montgomery, Alabama, don kawo ƙarshen wariyar launin fata a motocin haya. Ya kafa Southern Christian Leadership Conference (SCLC) a shekarar 1957, wanda ya zama wata babbar kungiyar fafutuka. Ya shahara da jawabin “I Have a Dream” da ya gabatar a gaban dubban mutane a Washington DC a 1963.
Kisa
An kashe Martin Luther King Jr. a ranar 4 ga Afrilu 1968 a otal ɗin Lorraine Motel da ke Memphis, Tennessee, lokacin da yake jagorantar wani gangamin ma'aikatan tsafta. Kisan nasa ya tayar da hankula a faɗin Amurka da ma duniya baki ɗaya.
Girmamawa
An karrama Martin Luther King Jr. da Nobel Peace Prize a 1964, sannan kuma aka ƙirƙiri ranar tunawa da shi a matsayin hutun ƙasa a Amurka wato Martin Luther King Jr. Day wanda ake gudanarwa a kowace ranar Litinin ta uku a watan Janairu.
Manazarta
Wikiwand - on
Seamless Wikipedia browsing. On steroids.
Remove ads