Spale
wjes w Budyskim wokrjesu, gmejnski dźěl Kulowa From Wikipedia, the free encyclopedia
Remove ads
Spale (němsce Spohla) su wjes z 395 wobydlerjemi[2] w sakskej Hornjej Łužicy. Leža w Budyskim wokrjesu a słušeja ke Kulowej. Wjeska płaći jako ródne městno powěstneho kuzłarja Měrćina Pumpota.
Remove ads
Stawizny
Prěnje historiske naspomnjenje jako Spole[3] pochadźa z dawkoweho registra klóštra Marijina hwězda lěta 1374. Ležownostne knjejstwo měješe přez lětstotki zwjetša Wojerowske stawowe knjejstwo.
We wobłuku nacionalsocialistiskeho přemjenowanja łužiskich wsow dóstachu Spale w lěće 1936 ze serbšćiny přełožene němske mjeno Brandhofen. Hnydom po kóncu Druheje swětoweje wójny rozsudźi so nowowolena wjesna rada na swojim prěnim posedźenju w nowembrje za wróćenje stareho mjena.[4]
Wobydlerstwo
Po Mukowej statistice z lětow 1884/85 rěčachu tehdy wšitcy 374 Spalowčenjo serbsce.[5] Arnošt Černik zwěsći w lěće 1956 hišće serbskorěčny podźěl wobydlerstwa wot hišće 76 %.[6] Ewangelscy Spalowčenjo přisłušeja Kulowskej wosadźe.
W lěće 1955 nošachu hišće 100 žonow w Spalach Wojerowsku serbsku drastu, 1969 běchu to jenož hišće 55 a w lěće 2000 dźesać. Poslednja drastynošerka, Lejna Mitašowa, zemrě w aprylu 2019.[7]
Remove ads
Wobrazy
Kamjentny křiž w Spalach
Kěrchowska kapałka
Narowny kamjeń Křesćana Kubicy na kěrchowje
Spalowska nawjes
Wosobiny
- Křesćan Kubica (1805–1861), superintendent a składnostny spisowaćel
- Korla Awgust Kubica (1842–1914), farar a Maćicar
Literatura
- Marko Grojlich: Mjez horami a holu. Wjesne zapiski. LND, Budyšin 1998, str. 85–87
Žórła
Wotkaz
Wikiwand - on
Seamless Wikipedia browsing. On steroids.
Remove ads