հայ արձակագիր From Wikipedia, the free encyclopedia
Մեսրոպ Հարությունյան (հոկտեմբերի 19, 1959, Մեղրի, Հայկական ԽՍՀ, ԽՍՀՄ), հայ արձակագիր, լրագրող[1]։
Մեսրոպ Հարությունյան | |
---|---|
Ծնվել է | հոկտեմբերի 19, 1959 (64 տարեկան) |
Ծննդավայր | Մեղրի, Հայկական ԽՍՀ, ԽՍՀՄ |
Քաղաքացիություն | Հայաստան |
Կրթություն | Երևանի պետական համալսարան |
Մասնագիտություն | արձակագիր և լրագրող |
Ծնվել է 1959 թվականի հոկտեմբերի 19-ին՝ Հայաստանի ներկայիս Սյունիքի մարզի Մեղրի քաղաքում։ 1976 թվականին ավարտել է Մեղրու միջնակարգ դպրոցը։ 1976-1980 թվականներին սովորել է Երևանի ժողովրդական տնտեսության ինստիտուտի ֆինանսա-հաշվային ֆակուլտետում, որն ավարտելուց հետո՝ 1980-1982 թվականներին ծառայել է Խորհրդային բանակում՝ Հեռավորարևելյան ռազմական օկրուգում։
1982-1984 թվականներին աշխատել է Մեղրու շրջանային ֆինբաժնում։ 1983 թվականին ընդունվել և 1989 թվականին ավարտել է Երևանի պետական համալսարանի բանասիրական ֆակուլտետը (հեռակա)։ 1984 թվականից անցել է լրագրողական աշխատանքի։ 1984-1990 թվականներին եղել է Մեղրու շրջանային «Արաքս» թերթի թղթակից, բաժնի խմբագիր։
1990-1993 թվականներին «Հայաստանի Հանրապետություն» օրաթերթի խմբագրությունում եղել է բաժնի խմբագիր, գլխավոր խմբագրի տեղակալ, 1993- 1994 թվականներին՝ ՀՀ կենտրոնական բանկի հասարակայնության հետ կապերի բաժնի պետ, 1994-1997 թվականներին՝ «Հայաստանի Հանրապետություն» օրաթերթի գլխավոր խմբագրի տեղակալ, 1997-1998 թվականներին՝ «Հայաստանի Հանրապետություն» օրաթերթի գլխավոր խմբագիր, 1998-1999 թվականներին՝ «Արմենպրես» լրատվական գործակալության գործադիր տնօրեն։
1999–2009 թվականներին եղել է Երևանի մամուլի ակումբի փորձագետ, 2003 թվականից՝ Խոսքի ազատության պաշտպանության կոմիտեի փորձագետ։ 2004 թվականից դասավանդում է Երևանի Վ. Բրյուսովի անվան պետական լեզվահասարակագիտական համալսարանի լրագրության բաժնում։
Կատարելագործվել է Բեռլինում՝ ժուռնալիզմի միջազգային ինստիտուտում («Մեդիա օրենսդրություն և մեդիամենեջմենթ» երկամսյա բարձրագույն դասընթաց, 1995)։
Առաջին պատմվածքը՝ «Հարաբերական դադար»-ը տպագրվել է «Գարուն» հանդեսի 1987 թվականի 6-րդ համարում։ Հետագայում նրա պատմվածքները հրապարակվել են «Գարունում» և Հայաստանի այլ պարբերականներում։
1985 թվականին Մեսրոպ Հարությունյանն արժանացել է Երիտասարդական թեմաներով գրող լրագրողների հանրապետական մրցույթի առաջին մրցանակի։
2012֊ին՝ «Գրողուցավ» գրական կայքի երկրորդ մրցանակի՝ «Հաշվեմատյան» պատմվածքի համար։
2014֊ին՝ «Մամուլի ազատության ժամանակը» ամենամյա մրցանակի (շնորհում են Երևանի մամուլի ակումբը, Հայաստանի ժուռնալիստների միությունը և Մեդիա նախաձեռնությունների կենտրոնը)։
2022 թվականին Մեսրոպ Հարությունյանն արժանացել է «Ստեփան Ալաջաջյան» մրցանակի՝ «Սեթ՝ որդի Մկաց Ադամի» վեպի համար։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.