From Wikipedia, the free encyclopedia
Ռոբերտ Պետրոսյան (1930, օգոստոսի 28, Երևան - 2008, փետրվարի 6, Երևան), հայ կոմպոզիտոր, շեփորահար։ ԽՍՀՄ Կոմպոզիտորների միության անդամ (1972 թ.)։
Ռոբերտ Պետրոսյան | |
---|---|
Հիմնական տվյալներ | |
Ծնվել է | 1930 օգոստոսի 28 Երևան |
Մահացել է | փետրվարի 6, 2008 77) Երևան | (տարիքը
Մասնագիտություն | Կոմպոզիտոր շեփորահար |
Կրթություն | Երևանի Կոմիտասի անվան պետական կոնսերվատորիա |
Ռոբերտ Պետրոսյանը ծնվել է Երևանում, 1930 թվականին։ Սովորել է Ալեքսանդր Սպենդիարյանի անվան երաժշտական մասնագիտական դպրոցում, միաժամանակ Պիոներ պալատի փողային նվագախմբում եղել է շեփորահար։ 1953-1957 թվականներին սովորել է Երևանի Ռոմանոս Մելիքյանի անվան երաժշտական ուսումնարանի կոմպոզիտորական բաժնում՝ Էդուարդ Բաղդասարյանի դասարանում։ 1962 թվականին ավարտել է Երևանի Կոմիտասի անվան պետական կոնսերվատորիայի կոմպոզիտորական ֆակուլտետը՝ Գրիգոր Եղիազարյանի դասարանը։
1955 թվականից աշխատել է Երևանի Սունդուկյանի անվան ազգային ակադեմիական թատրոնում՝ որպես շեփորահար, 1960-1979 թվականներին՝ որպես երաժշտական մասի ղեկավար և դիրիժոր։ 1963-1981 թվականներին տեսական առարկաներ է դասավանդել երաժշտական ուսումնական հաստատություններում։ 1960 թվականից ստեղծել և ղեկավարել է էստրադային և ժողովրդական նվագարանների նվագախմբեր, որոնք անընդմեջ մասնակցելով հանրապետական և համամիութենական բազմաթիվ մրցույթների, արժանացել են մրցանակների և պատվոգրերի։
1979-1986 թվականներին հանդիսացել է Հայաստանի Ռադիոյի և հեռուստատեսության «Արևիկ» մանկական վոկալ-գործիքային անսամբլի հիմնադիրն ու գեղարվեստական ղեկավարը։ Այդ տարիներին «Արևիկը» արժանացել է հանրապետական, անդրկովկասյան և ԽՍՀՄ կազմավորման 60-ամյակին նվիրված մրցույթների դափնեկրի կոչմանը, իսկ մերձմոսկովյան Դուբնա քաղաքում՝ «Մեծ ոսկե» մեդալի։
1986-1995 թվականներին եղել է Հեռուստառադիոյի Արամ Մերանգուլյանի անվան ժողովրդական նվագարանների նվագախմբի դիրիժորը։ 1995 թվականին Հայաստանի պաշտպանության նախարարության ներքո ստեղծել է «Էլեգիա» էստրադային համույթը, որը համերգներով հանդես է եկել Հայաստանում և Լեռնային Ղարաբաղում։ 1993-2007 թվականներին եղել է Մայր աթոռ սուրբ Էջմիածնի և Հայկական Բարեգործական Ընդհանուր Միության հայորդաց տների երաժշտության գծով գլխավոր խորհրդատուն, Հեռուստառադիոյի կոմիտեի և ՀՀ Երգչախմբային ընկերության գեղարվեստական խորհուրդների անդամ, 2003 թվականից՝ ՀՀ Երգչախմբային ընկերության պատվավոր անդամ[1][2]։
Հեղինակել է մի շարք մեծ ու փոքր կտավի ստեղծագործություններ՝ սիմֆոնիկ, փողային, ժողովրդական, էստրադային, վոկալ և նվագարանային ժանրերում։ Պետրոսյանի հեղինակած ավելի քան 300 ստեղծագործություն ընդգրկված է Հայաստանի հանրային ռադիոյի ոսկե ձայնադարանում։ Դրանք են՝
Մեծ թվով մշակումներ, փոխադրումներ և գործիքավորումներ է կատարել սիմֆոնիկ, փողային, ժողովրդական և էստրադային նվագախմբերի և պարզապես նվագարանների համար, անդրադառնալով ժողովրդական երգերին՝ հայ, ռուս և արևմտաեվրոպական կոմպոզիտորների ստեղծագործություններին։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.