Աշոտ Ղազարյան (ճարտարապետ)

Աշոտ Արամի Ղազարյան (հունվարի 26, 1926(1926-01-26), Երևան, Հայկական ԽՍՀ, ԱԽՖՍՀ, ԽՍՀՄ - 2008), հայ ճարտարապետ։

Անվան այլ կիրառումների համար տե՛ս՝ Աշոտ Ղազարյան (այլ կիրառումներ)

Վիքիպեդիայում կան հոդվածներ Ղազարյան ազգանունով այլ մարդկանց մասին։

Աշոտ Ղազարյան
Ծնվել է	հունվարի 26, 1926(1926-01-26)
Ծննդավայր	Երևան, Հայկական ԽՍՀ, ԱԽՖՍՀ, ԽՍՀՄ
Մահացել է	2008
Կրթություն	ՀԱՊՀ (1949)
Անդամություն	Հայաստանի ճարտարապետների միություն

Կենսագրություն

1949 թվականին ավարտել է Երևանի պոլիտեխնիկական ինստիտուտը։ 1952-1997 թվականներին աշխատել է Հայարդնախագիծ ինստիտուտում։ 1964-1971 թվականներին եղել է Երևանի գլխավոր ճարտարապետի տեղակալ և ճարտարապետության ու շինարարության պետական վերահսկողության Երևանի տեսչության պետ։ 1956 թվականից Հայաստանի ճարտարապետների միության անդամ^[1]։

Գործունեություն

Ղազարյանի նախագծերով կառուցվել են՝

• Կոմպոզիտորների միության ադմինիստրատիվ և բնակելի մասով տունը Դեմիրճյան փողոցի վրա, Երևան (համահեղինակներ՝ Էդուարդ Սարապյան, Էդուարդ Ալթունյան)
• Հայաստանի ազգային պատկերասրահի շենքը Հանրապետության Հրապարակում, Երևանում (համահեղինակներ՝ Էդուարդ Սարապյան, Մարկ Գրիգորյան)
• Բնակելի տներ Երևանում, Արտաշատում, Կապանում
• Հաշվողական կենտրոններ Երևանում՝ Հայաստանի Գիտությունների Ակադեմիայում և Երևանի պետական համալսարանում
• Կուրորտոլոգիայի և Ֆիզիոթերապիայի բժշկական կենտրոն Երևանում
• Միքայելյանի անվան վիրաբուժական հիվանդանոց Երևանում (նույն հիվանդանոցի մասնաճյուղ՝ Ստեփանավանում)
• Հիվանդանոց Արզնիում
• Հանրախանութ Ջերմուկում

Պարգևներ

Պարգևատրվել է Խորհրդային Հայաստանի Գերագույն Խորհրդի պատվոգրով։