Ատոմային էներգիայի միջազգային գործակալություն

Ատոմային էներգիայի միջազգային գործակալությունը (հապավումը՝ ԱՏԷՄԻԳ^[6][7][8]) (անգլ.՝ International Atomic Energy Agency, IAEA), ատոմային էներգիայի խաղաղ օգտագործման բնագավառում համագործակցության զարգացմանն ուղղված միջազգային կազմակերպություն։ Հիմնադրվել է 1957-ին։ Շտաբ-բնակարանը գտնվում է Վիեննայում (Վիեննայի միջազգային կենտրոն)։

Ատոմային էներգիայի միջազգային գործակալություն
Տեսակ	organization established by the United Nations?
Երկիր	Ավստրիա
Հապավում	AIEA և IAEA
Հիմնադրված	1957[1]
Գլխադասային գրասենյակ	Վիեննա, Ավստրիա
Պաշտ. լեզու(ներ)	ռուսերեն[2], անգլերեն, ֆրանսերեն, իսպաներեն, արաբերեն և չինարեն
Ղեկավար	Rafael Grossi?
Վերադաս կազմակերպություն	Միավորված ազգերի կազմակերպություն
Անձնակազմ	2500 մարդ (հունիս 2021)[3]
Պարգևներ	[4][5]
Կայք	iaea.org​(արաբ.)​(անգլ.)​(ֆր.)​(իսպ.)​(ռուս.)​(չին.)

Կազմ և կառուցվածք

2009-ի դրությամբ ԱՏԷՄԻԳ-ի անդամ էր 151 պետություն։ 2013-ի փետրվարի դրությամբ կազմակերպությանն արդեն անդամակցում էր 159 պետություն։

Ղեկավար մարմիններն են.

• ամեն տարի գումարվող Գլխավոր համաժողովը, որին մասնակցում են անդամ բոլոր երկրները
• 35 պետություններից կազմված Կառավարիչների խորհուրդը, որը ղեկավարում է գործակալության գործնական աշխատանքը
• Քարտուղարությունը, որը կատարում է ընթացիկ աշխատանքները և ղեկավարվում է գլխավոր տնօրենի կողմից։

ԱՏԷՄԻԳ-ի շտաբ-բնակարանը գտնվում է Վիեննայի միջազգային կենտրոնում։ Բացի այդ, գործակալությունն ունի տարածաշրջանային բաժանմունքներ Կանադայում, Ժնևում, Նյու Յորքում և Տոկիոյում, լաբորատորիաներ Ավստրիայում և Մոնակոյում, ինչպես նաև հետազոտական կենտրոն Տրիեստում (Իտալիա), որը ղեկավարվում է ՅՈՒՆԵՍԿՕ-ի կողմից։