Արամ Ոսկանյան

Արամ Հայկի Ոսկանյանը (օգոստոսի 26, 1975(1975-08-26)^[1][2], Սևան, Հայկական ԽՍՀ, ԽՍՀՄ), հայ ֆուտբոլիստ՝ հարձակվող։

Վիքիպեդիայում կան հոդվածներ Ոսկանյան ազգանունով այլ մարդկանց մասին։

Արամ Ոսկանյան
Անձնական տվյալներ
Ամբողջական անուն	Արամ Հայկի Ոսկանյան
Ազգությունը	Հայ
Քաղաքացիությունը	Հայաստան  ԽՍՀՄ
Ծննդյան ամսաթիվ	սեպտեմբերի 26, 1975 (49 տարեկան)
Ծննդավայր	Սևան, Հայկական ԽՍՀ
Հասակ	173 սմ
Քաշ	74 կգ
Դիրք	հարձակվող
Ակումբային տեղեկություններ
Ներկա ակումբ	Հայաստան (մինչև 19 տ)
Մասնագիտական կարիերա*
Տարի	Ակումբ	Խաղ	(Գոլ)
1991-1993 1993-1994 1995-1998 1999-2000 2000-2001 2001-2002 2002-2003 2003-2004 2004-2008 2008-2010 2010 2010-2011	«Մալաթիա» «Բանանց» «Արարատ (Երևան)» «Լոկոմոտիվ» «Բալտիկա» «Փյունիկ» «Բալթիկա» «Միկա» «Եսիլ Բոգատիր» «Միկա» «Լոկոմոտիվ (Տաշքենդ)» «Միկա»	57 (17) 12 (10) 81 (30) 37 (11) 20 (1) 23 (10) 11 (0) 10 (8) 130 (37) 29 (14) 12 (3) 15 (0)
Ազգային հավաքական
199?-199? 2004-2006	Հայաստան (երիտասարդական)  Հայաստան	14 (?) 11 (0)
Մարզչական կարիերա
2011-2013 2013-2015 2015 2015- ն.ժ.	«Միկա» «Միկա» «Բանանց» Հայաստան (մինչև 19 տ.)
* Մասնագիտական կարիերայում ընդգրկված են միայն առաջնության խաղերը և գոլերը:

Ակումբային կարիերա

Պրոֆեսիոնալ կարիերան սկսել է մայրաքաղաքային թիմում, և խաղացել է «Մալաթիայի» կազմում։ Ակումբը շատ թույլ է և խաղում է Հայաստանի ֆուտբոլի 2-րդ առաջնությունում։ «Մալաթիայում» խաղալուց հետո Ոսկանյանը Էդուարդ Մարգարովի գլխավորությամբ հանդես է եկել Հայաստանի ֆուտբոլի բարձրագույն առաջնությունում^[3]։ Խաղալով 2 մրցաշրջան նրան նոր ակումբ էր անհրաժեշտ։ Տեղափոխությունը տեղի ունեցավ Աբովյանի «Բանանց» ակումբ։ Հաջորդ մրցաշրջանում նա փոխեց ակումբային գրանցումը և 4 մրցաշրջան խաղաց «Արարատի» մարզաշապիկով։ 1999 թվականին նա տեղափոխվում է Պետերբուրգի «Լոկոմոտիվ» ակումբ, որը այդ տարիներին խաղում է Ռուսաստանի ֆուտբոլի առաջին առաջնությունում։ Դրանից հետո, երբ ակումբը զբաղեցրեց առաջնությունից դուրս մնացող թիմերի կազմում, նա տեղափոխվեց Կալինգրադի «Բալթիկա»։ Այս ակումբը նույնպես դուրս մնացողների կազմի մեջ էր։ 2003 թվականին վերադարձել է Հայաստան, և պայմանագիր է կնքել «Միկայի» հետ։ Հաջորդ մրցաշրջանում Արամը խաղաց Ղազախստանի «Էսիլ Բոգատիր» ակումբում։ 5 մրցաշրջանում խաղաց 130 խաղ և խփեց 37 գոլ։ 2008 թվականի հոկտեմբերի 1-ին «Միկան» կրկին պայմանագիր կնքեց Ոսկանյանի հետ։ 2009 թվականին խփեց 10 գոլ, որը ակումբի ռմբարկուների ցանկում 2-րդն էր։

Աշտարակի թիմում անցկացնելով 2 մրցաշրջան 2010 թվականին պայմանագիր է կնքում Տաշքենդի «Լոկոմոտիվի» հետ^[4], որի կազմում առաջին իսկ խաղում դուբլ է ձևակերպում^[5]։ Հաջորդ խաղը տեղի ունեցավ Ուզբեկստանի Գավաթի շրջանակներում, որտեղ «Լոկոմոտիվը» հանդիպեց «Դինամո Գալլակորի» հետ։ Խաղի արդյունքում երկաթուղայինները 7 անպատասխան գնդակ խփեցին։ Ոսկանյանը իր հաշվին 3 գոլ գրանցեց^[6]։ Ամառային տրանսֆերային պատուհանի ժամանակ Ոսկանյանը վերադարձավ «Միկա», որին Եվրոպայի Լիգայի ընտրական փուլն անցնելու համար անհրաժեշտ էր կազմի հզորացում։ 2011 թվականի առաջնության միջնամասում, երբ ակումբում մարզչական կազմի փոփոխվում էր, նա ավարտում է կարիերան, և աշխատանքի է անցնում ակումբի մարզչական շտաբում^[3][7]։

Կարիերան հավաքականում

Հայաստանի հավաքականի կազմում Արամը անցկացրել է 11 հանդիպում։ Առաջին անգամ հրավիրվել է հավաքական երբ տեղափոխվեց Ղազախստան։ Հայաստանի հավաքականի կազմում առաջին հանդիպումն անցկացրել է 2004 թվականի նոյեմբերի 17-ին 2006 թվականի ԱԱ-ի նախընտրական փուլում՝ Ռումինիայի հավաքականի դեմ խաղում։ Այդ խաղը ավարտվեց 1:1 հաշվով։

Մարզչական կարիերա

2011 թվականից մինչև 2013 թվականը աշխատել է մարզիչ «Միկայում»։ 2013-2015 թվականներին «Միկայի» գլխավոր մարզիչ։ 2015 թվականի հունիսից մինչև հոկտեմբերը եղել է «Բանանցի» գլխավոր մարզիչը։

2015 թվականի դեկտեմբերի 8-ին նշանակվել է Հայաստանի մինչև 19 տարեկանների թիմի գլխավոր մարզիչ։

Նվաճումներ

• «Արարատ» (Երևան)
  • Հայաստանի չեմպիոն։ 1995
  • Արծաթե մեդալակիր Հայաստանի առաջնությունում։ 1996/97
  • Հայաստանի Գավաթի հաղթող։ 1996/97
  • Հայաստանի Սուպերգավաթի եզրափակչի մասանկից։ 1998
• «Փյունիկ»
  • Հայաստանի չեմպիոն։ 2001
• «Միկա»
  • Արծաթե մեդալակիր Հայաստանի առաջնությունում։ 2009
  • Հայաստանի Գավաթի հաղթող։ 2003, 2011