Գեղազնիկ Միքայելյան

Գեղազնիկ Արմենակի Միքայելյան (նոյեմբերի 16, 1951(1951-11-16), Լեռնարոտ, Աշտարակի շրջան, Հայկական ԽՍՀ, ԽՍՀՄ - օգոստոսի 29, 1990(1990-08-29), Երևան, Հայկական ԽՍՀ, ԽՍՀՄ), Արցախյան առաջին ազատամարտի մասնակից, ազգային-ազատագրական պայքարի նվիրյալ, առաջին կամավորական ջոկատների կազմակերպիչներից, հետմահու ՀՀ ազգային հերոս (1996)։

Վիքիպեդիայում կան հոդվածներ Միքայելյան ազգանունով այլ մարդկանց մասին։

Գեղազնիկ Արմենակի Միքայելյան
օգոստոսի 29, 1990(1990-08-29) (տարիքը 38)
Ծննդավայր	Լեռնարոտ, Աշտարակի շրջան, ՀԽՍՀ
Մահվան վայր	Երևան, Հայկական ԽՍՀ, ԽՍՀՄ
Մարտեր/ պատերազմներ	Արցախյան ազատամարտ
Պարգևներ	Ազգային հերոս (1996)

Կենսագրություն

Ծնվել է 1951 թվականին՝ Աշտարակի շրջանի (Արագածոտնի մարզ) Լեռնարոտ գյուղում։ Ավարտել է տեղի միջնակարգ դպրոցը, այնուհետև ստացել գյուղատնտեսական միջնակարգ մասնագիտական կրթություն։ ՀՀ արևելյան սահմանների պաշտպանության ակտիվ մասնակից և կազմակերպիչներից էր (Կոռնիձոր, Երասխ, Ոսկեպար, և այլն)։

1990 թվականի օգոստոսի 29-ին Վիտյա Այվազյանի հետ սպանվել է Երևանում^[1]։ 1996 թվականին ստացել է ՀՀ ազգային հերոսի կոչում։