Թոմ Ֆելթոն

Թոմաս Էնդրյու «Թոմ» Ֆելթոն (անգլ.՝ Thomas Andrew «Tom» Felton, սեպտեմբերի 22, 1987(1987-09-22)^[1], Էպսոն, Սըրրի, Անգլիա, Միացյալ Թագավորություն^[2][3]), բրիտանացի դերասան, երգիչ։ Իր առաջին լուրջ դերը Թոմը խաղացել է Աննան և թագավորը ֆիլմում, սակայն նա ավելի մեծ ճանաչում ունեցավ այն ժամանակ, երբ խաղաց Դրակո Մալֆոյի դերը Հարի Փոթերի մասին պատմող ֆիլմերում։

Թոմ Ֆելթոն Tom Felton
Ծնվել է	սեպտեմբերի 22, 1987(1987-09-22)[1] (37 տարեկան)
Ծննդավայր	Էպսոն, Սըրրի, Անգլիա, Միացյալ Թագավորություն[2][3]
Քաղաքացիություն	Միացյալ Թագավորություն
Մայրենի լեզու	բրիտանական անգլերեն
Կրթություն	Howard of Effingham School?
Երկեր	Հարրի Փոթեր
Մասնագիտություն	դերասան, հնչյունավորող, երգիչ և երաժիշտ
Պարգևներ և մրցանակներ	MTV կինոմրցանակ լավագույն չարագործին MTV կինոմրցանակ լավագույն չարագործին Teen Choice Award for Best Villain? և MTV Movie Award լավագույն դերասանական կազմի համար
🌐	tomfelton.com
Tom Felton Վիքիպահեստում

Կենսագրություն

Թոմը ծնվել է 1987 թվականի սեպտեմբերի 22-ին Լոնդոնում, Մեծ Բրիտանիա, իսկ ներկայումս բնակվում է Դորկինգ քաղաքում, Սուրեյ կոմսությունում։

Վաղ տարիներ

Թոմը ծնվել է Լոնդոնում, Մեծ Բրիտանիայում։ Այժմ ապրում է Դորքինգ քաղաքում։ Թոմն ունի երեք եղբայր` Ջոնաթանը, Քրիսը և Էշլին^[4]։ Թոմը իր ընտանիքի ամենափոքր զավակն է։

Փոքր ժամանակ Թոմը երգել է չորս երգչախմբերում, որոնցից առաջինը եկեղեցական է եղել և ընդունվել է 7 տարեկան հասակում։ 11 տարեկանում զբաղել է ձկնորսությամբ։

Սովորել է «West Horsley’s Cranmore School»-ում, այնուհետև` «Howard of Effingham School» ընդհանուր դպրոցում։

Ես իրականում գյուղացի տղա եմ,- ասում է Թոմը։ - Ապրում եմ ամայի մի վայրում և դա ինձ դուր է գալիս։ Ինձ համար այն շատ լավ է. երեկոյան տուն գալ և վայելել գյուղական տարածքի լռությունը։

Կարիերան

Թոմը փոքր տարիքից տաղանդավոր է եղել դերասանական վարպետության և երգեցողության մեջ։ 10 տարեկանում իր ընտանիքին ծանոթ մի դերասանուհու շնորհիվ Թոմը կինոստուդիա է հաճախել, որից հետո երկու շաբաթ անց դեր է ստացել «Գողերը» ֆիլմում (անգլ.՝ «The Burrowers»)։

Թոմը հայտնի է դարձել «Հարի Փոթեր» ֆիլմերի շնորհիվ, որտեղ խաղացել է Լուցիուս Մալֆոյի որդու` Դրաքո Մալֆոյի դերը։ Նա եղել է ազնվական ընտանիքից և Լորդ Վոլդեմորթի հետևորդներից մեկը։ Ավելի ուշ այդ դերի պատճառով Թոմը ձեռք է բերել գոռոզ և ամբարտավան տղայի կերպար, որն է որոշ չափով ազդել է կինոյում հետագա առաջարկներ ունենալու վրա։ Ամբողջ աշխարհում սկսեցին հայտնվել Թոմ Ֆելթոնի երկրպագուների կայքերը, սակայն դա նրան չխանգարեց ապրել սովորական դեռահասի կյանքով։ «Հարի Փոթեր» գրքի հիման վրա նկարահանված առաջին ֆիլմից հետո Թոմը ուներ իրեն չսիրող շատ մարդիկ, կախարդական աշխարհից երկրպագուներ, ովքեր շատ լուրջ էին ընդունել էկրանավորումը և այն վերածել էին իրական կյանքի։ Մի շարք երեխաներ բացահայտ վախենում էին Թոմից, երբ նա եկել էր պրեմիերային, նրա խոսքերով դա նրան միևնույն ժամանակ զվարճացրել էր և խանգարել^[5][6]։ Ժամանակի ընթացքում հերոսների և իրենց երկրպագուների մեծանալու հետ այդ վերաբերմունքը փոխվեց, և Թոմին սկեցին ընդունել այնքան ջերմ, որքան մյուս դերասաններին։

Տարիներ առաջ Ֆելթոնը հայտնի է եղել նաև «Աննան և թագավորը» ֆիլմում, որտեղ կատարել է Ջոդի Ֆոսթերի որդու դերը։ Այնտեղ նույնպես չար կերպար է դրսևորել։

2006 թվականին Թոմասը որոշում է ընդունվել համալսարան` «ձկնորսության» ֆակուլտետ։ Եվ նախատեսում է այն դարձնել հիմնական մասնագիտություն` ասելով, որ դերասական կարիերան իրենը չէ։ Սակայն ավելի ուշ հերքում է իր ասածները։

2008 թվականին Թոմասը իր մասնակցությունն է ունենում «Emma of Lulworth Cove» ֆիլմում, որի նկարահանումները այժմ դադարեցվել են ֆինանսավորման չբավականացնելու պատճառով^[7][8][9]։

Ֆելթոնը նկարահանվել է նաև «The Disappeared» (հայերեն՝ Անհետացածը ) ֆիլմում, որի պրեմիերան կայացել է 2008 թվականի նոյեմբերի 8-ին^[10][11] Պրեմիերան կայացել է 2008 թվականի նոյեմբերի 8-ին.^[12]: Այս ֆիլմում Թոմը խաղում է գլխավոր հերոսի լավագույն ընկերներից մեկի դերը։ Ինչպես նաև ավելի ուշ նկարահանվել է «13 ժամ» սարսափ ֆիլմում, որտեղ գլխավոր դերերից մեկն է խաղացել։

2011 թվականի օգոստոսին Լոս Անջելեսում Թոմը ֆոտոսեսիայի է մասնակցել իր ընկերոջ` Ռուպերտ Գրինտի հետ` «Band of Outsiders» ապրանքանիշի աշուն-ձմեռ հավաքածուի համար^[13]

Ֆիլմագրություն

Տարի	Հայերեն	Անգլերեն	Դեր	Պրեմիերա
1997	«Փոքրիկ գողերը»	The Borrowers	Պիգրին Քլոք	5 դեկտեմբեր 1997
1998		Bugs	Ջեյմս	1998, 1 էպիզոդ
	«Ամենավատ կախարդուհին»	The Worst Witch	Ալեքսանդր Ջոնս	1998, 1 էպիզոդ
1999	«Մարգարեություն»	Second Sight	Թոմաս Ինգհեմ	1998, 1 էպիզոդ
	«Աննան և թագավորը»	Anna and the King	Լուիս Լեոնոուենս	6 դեկտեմբեր 1999
2000	«Երկրորդ տեսանկյուն։Տափկենոցի»	Second Sight: Hide and Seek	Թոմաս Ինգհեմ
2001	«Հարրի Փոթթերը և փիլիսոփայական քարը»	Harry Potter and the Sorcerer’s Stone	Դրակո Մալֆոյ	4 նոյեմբեր 2001
2002	«Հարրի Փոթթերը և գաղտնի սենյակը»	Harry Potter and the Chamber of Secrets		3 նոյեմբեր 2002
2004	«Հարրի Փոթթերը և Ազկաբանի բանտարկյալը»	Harry Potter and the Prisoner of Azkaban		31 մայիս 2004
2005	«Հարրի Փոթթերը և կրակե գավաթը»	Harry Potter and the Goblet of Fire		6 նոյեմբեր 2005
		Home Farm Twins	Ադամ Բեյքեր	2005, անհայտ էպիզոդ
2007	«Հարրի Փոթթերը և Ֆենիքսի հավաքը»	Harry Potter and the Order of the Phoenix	Դրակո Մալֆոյ	28 հունիս 2007
2008	«Կորածը»	The Disappeared	Սեյմոն	20 օգոստոս 2008
2009	«Հարրի Փոթթերը և կիսարյուն արքայազնը»	Harry Potter and the Half-Blood Prince	Դրակո Մալֆոյ	15 հուլիս 2009
2010	«13 ժամ»	13 Hrs	Գերի Էշբայ	28 օգոստոս 2010
	White Other	White Other	Ռեյ Մարդսեն	4 նոյեմբեր 2010
	Հարի Փոթերը և Մահվան Պարգևները՝ մաս 1	Harry Potter and the Deathly Hallows: Part 1	Դրակո Մալֆոյ	17 նոյեմբեր 2010
2011	From the Rough	From the Rough	Էդվարդ	սպասվում է
	Հարի Փոթերը և Մահվան Պարգևները՝ մաս 2	Harry Potter and the Deathly Hallows: Part 2	Դրակո Մալֆոյ	13 հուլիս 2011
	«Հոգի»	The Apparition	Պատրիկ	9 սեպտեմբեր 2011
	«Կապիկների ապստամբությունը»	Rise of the Planet of the Apes	Դոջ	5 օգոստոս 2011
	Արտոնություն և վտանգ	Grace and Danger	Կարնաբի	սպասվում է
	Evac	Evac		սպասվում է

Արտաքին հղումներ

• Պաշտոնական կայք էջը(անգլ.)
• Պաշտոնական էջ Արխիվացված 2011-08-17 Wayback Machine(անգլ.)
• Tom Felton Music — բլոգ «Feltbeats»-ից Արխիվացված 2010-01-09 Wayback Machine(անգլ.)

Հարցազրույց.

• Հարցազրույց BBC հեռուստաալիքին(անգլ.)