Իվան Փերեսթիանի

Իվան Նիկոլաևիչ Փերեսթիանի (կամ Պերեստիանի, ռուս.՝ Иван Николаевич Перестиани, վրաց.՝ ივანე პერესტიანი , ապրիլի 13, 1870(1870-04-13)^[1], Տագանրոգ, Դոնի զորքի մարզ, Ռուսական կայսրություն^[2] - մայիսի 14, 1959(1959-05-14)^[1], Մոսկվա, ԽՍՀՄ^[2]), ռուսական և վրացական խորհրդային կինոռեժիսոր, դերասան, սցենարիստ։ Վրացական ԽՍՀ ժողովրդական արտիստ (1949)։ Ծագումով իտալացի է^{[ն 1]}։

Իվան Նիկոլաևիչ Փերեսթիանի
Ի ծնե անուն՝	ռուս.՝ Иван Николаевич Перестиани
Ծննդյան թիվ՝	ապրիլի 13, 1870(1870-04-13)[1]
Ծննդավայր՝	Տագանրոգ, Դոնի զորքի մարզ, Ռուսական կայսրություն[2]
Վախճանի թիվ՝	մայիսի 14, 1959(1959-05-14)[1] (89 տարեկան)
Վախճանի վայր՝	Մոսկվա, ԽՍՀՄ[2]
Ազգություն՝	իտալացի[ն 1]
Քաղաքացիություն՝	Ռուսական կայսրություն ՌԽՖՍՀ  ԽՍՀՄ
Մասնագիտություն՝	Խորհրդային կինոռեժիսոր, դերասան, սցենարիստ
Կարիերա՝	1916-1947
Պարգևներ՝	և
IMDb։	ID 0673375

Կենսագրություն

Իվան Փերեսթիանին խորհրդային կինեմատոգրաֆիայի ստեղծողներից է։ Նկարահանել է «Արսեն Ջորջիաշվիլի» («Գեներալ Գրյագնովի սպանությունը», 1921) պատմա-հեղափոխական ֆիլմը։ Նրա ամենանշանավոր աշխատանքը «Կարմիր սատանի ճտերը» (ըստ Պ․ Ա․ Բլյախինի վիպակի, 1923) հերոսա-ռոմանտիկական արկածային կինոնկարն է։ Այլ ֆիլմերից են՝ «Սուրամի բերդը» (1923), «Երեք կյանք» (1925)։ 1929-1932 թվականներին աշխատել է «Հայկինո»-ում (այժմ՝ «Հայֆիլմ»), ուր ստեղծել է «Զամալու» (1928, սցենարը՝ Իվան Փերեսթիանիի), «Անուշ» (ըստ Թումանյանի, սցենարը Իվան Փերեսթիանիի, 1930), «Անբանը» (սցենարը՝ Իվան Փերեսթիանիի և Գրիգոր Չախիրյանի), «Լույս և ստվերներ» (երկուսն էլ՝ 1933) գեղարվեստական, «Տուրիստական Հայաստան» (1934, սցենարը Իվան Փերեսթիանիի) վավերագրական և այլ ֆիլմեր։ 1933 թվականին վերադարձել է Թիֆլիսի կինոստուդիա, հիմնականում հանդես եկել որպես կինոդերասան։ Նկարահանվել է «Արսեն» (1937), «Գեորգի Սաակաձե» (1942-1943), «Դավիթ-Բեկ» (1944, «Հայկինո») և այլ ֆիլմերում։

Պարգևներ

Պարգևատրվել է 3 շքանշանով։

Նշումներ

1. Իվան Փերեստիանիին վերագրում են իտալական ծագում^[3][4][5]։ Այլ տվյալներով՝ Փերեստիանին ունի ղրիմյան հույնի (ռումեյներ էթնիկական խմբի) արմատներ^[6][7]։