Ստեպան Բանդերա

Ստեպան Անդրեևիչ Բանդերա (ուկրաիներեն՝ Степан Андрійович Бандера, հունվարի 1, 1909(1909-01-01)^[1][2][3], Ստարիյ Ուգրինով, Կալուշի ուեզդ, Գալիցիայի և Լոդոմերիայի թագավորություն, Ցիսլեյտանիա, Ավստրո-Հունգարիա - հոկտեմբերի 15, 1959(1959-10-15)^{[1][2][4][…]}, Մյունխեն, Գերմանիա^[5]), ուկրաինացի քաղաքական գործիչ, ուկրաինական ազգայնականության գաղափարախոսն ու տեսաբանը։ Երիտասարդ տարիներին հայտնի է եղել Լիս, Ստեպանկո, Մալի, Սերի, Ռիխ, Մատվեյ Գորդոն և այլ ուրիշ մականուններով։

Ստեպան Բանդերա ուկրաիներեն՝ Степан Бандера
Ծնվել է	հունվարի 1, 1909(1909-01-01)[1][2][3]
Ծննդավայր	Ստարիյ Ուգրինով, Կալուշի ուեզդ, Գալիցիայի և Լոդոմերիայի թագավորություն, Ցիսլեյտանիա, Ավստրո-Հունգարիա
Մահացել է	հոկտեմբերի 15, 1959(1959-10-15)[1][2][4][…] (50 տարեկան)
Մահվան վայր	Մյունխեն, Գերմանիա[5]
Գերեզման	Վալդֆրիդհոֆ գերտեզմանատուն
Քաղաքացիություն	ZUNR,  Լեհաստանի Երկրորդ Հանրապետություն,  Ավստրո-Հունգարիա և առանց քաղաքացիության
Մայրենի լեզու	ուկրաիներեն
Կրոն	Ուկրաինական-հունական կաթոլիկ եկեղեցի
Կրթություն	«Լվովի պոլիտեխնիկա» ազգային համալսարան
Մասնագիտություն	քաղաքական գործիչ և պարտիզան
Ամուսին	Յարոսլավա Բանդերա
Ծնողներ	հայր՝ Անդրիյ Բանդերա, մայր՝ Միրոսլավա Բանդերա
Կուսակցություն	OUN? և Ուկրաինական ազգայնականների հեղափոխական կազմակերպություն
Պարգևներ և մրցանակներ
Անդամություն	OUN?
Երեխաներ	Andrii Bandera?
Ստորագրություն
Stepan Bandera Վիքիպահեստում

Կենսագրություն

Ստեպան Բանդերա Հուշարձան, Տերնոպոլ

Ծնվել է հոգևորականի ընտանիքում։ 1927 թվականից Ուկրաինական բանակային, 1929 թվականից Ուկրաինական ազգայնականների կազմակերպության (ՈւԱԿ) անդամ էր։ 1933 թվականից եղել է ՈւԱԿ-ի տարածքային ուղեկցող Արևմտյան Ուկրաինայի հողերում^{[նշում 1]}։ 1933 թվականից սկսած մի շարք ահաբեկչական գործողություններ է կազմակերպել։ 1934 թվականին լեհական իշխանությունները ձերբակալել են Բանդերային և դատարանի որոշմամբ մահվան դատապարտել, որը հետագայում փոխարինվել է ցմահ բանտարկությամբ։ 1936 - 1939 թվականներին կրել է ազատազրկման ժամկետը լեհական տարբեր բանտերում, 1939 թվականի սեպտեմբերին ազատվել է Գերմանիայի Լեհաստանի վրա հարձակվելու շնորհիվ։ Որոշ ժամանակ գտնվել է խորհրդային տարածքի ընդհատակում, հետո տեղափոխվել է արևմուտք։ 1940 թվականի փետրվարից հետո, երբ քայքայվեց ՈւԱԿ-ը, դարձավ Ուկրաինական ազգայնականների կազմակերպության բանդերական թևի առաջնորդ։ Գերմանիայի՝ ԽՍՀՄ-ի վրա հարձակվելուց հետո մի շարք ազգայնականների հետ ձերբակալվել է գերմանական զավթիչների իշխանության կողմից, քանի որ ուզում էին անկախ Ուկրաինական պետություն ստեղծել։ Մինչև 1944 թվականի սեպտեմբերը եղել է Զակսենհաուզեն համակենտրոնացման ճամբարում։ 1947 թվականից կրկին ղեկավարել է ՈւԱԿ-ը։ 1959 թվականին ՊԱԿ-ի գործակալ Բոգդան Ստաշինսկին Մյունխենում սպանել է Ստեպան Բանդերային։