Ստրելնա
From Wikipedia, the free encyclopedia
Remove ads
Ստրելնա (ռուս.՝ Стрельна), ավան Ռուսաստանում, Սանկտ Պետերբուրգ քաղաքի արվարձանային բնակավայր՝ Պետրոդվորեցի շրջանում։ Գտնվում է Ֆիննական ծոցի հարավային ափին, Ստրելկա և Կիկենկա գետերի ափին։ 2002 թվականի մարդահամարի արդյունքներով բնակչությունը կազմել է 12 452 մարդ։
Անվան այլ կիրառումների համար տե՛ս՝ Ստրելնա (այլ կիրառումներ)
.png)
.png)
.svg){kind=link}
Ստրելնայի միջով անցնում է Պետերգոֆի խճուղին, որ միացնում է Սանկտ Պետերբուրգի արևմտյան հատվածը Պետերգոֆ քաղաքի հետ։ Նրա միջով անցնում է երկաթուղին, որը դուրս է գալիս Բալթիկայի կայարանից դեպի արևմտյան հատվածներ՝ կապ հաստատելով Լոմոնոսով և Պետերգոֆ քաղաքների միջև։ Քաղաքին կապված է տրամվայի, ինչպես նաև՝ մի շարք ավտոբուսների ու միկրոավտոբուսների երթուղով։
Remove ads
Պատմություն
Ստրելնայի մասին առաջին հիշատակումները 1500 թվականի են, որտեղ այն նշվում է որպես ծովափնայ գյուղ[3]։ Ստոլբովի հաշտությունից հետո այն անցնում է Շվեդիային, և 1630-ական թվականներին այստեղ կառուցվում է շվեդական բարոն Յոհան Շյուտտեի ագարակը։ Այնտեղ կա ջրաղաց, լճակ, փոքր եկեղեցի։ Որպես բնակավայր այն նշվծ էր նաև Ավգուստ Բերհենգեյմի Ինգերմանլանդիա քարտեզում՝ 1676 թվականին[4]։
18-րդ դարի սկզբին Պետրոս Մեծը այստեղ մտադրվել էր կառուցել ռուսական Վերսալը։ 1711—1717 թվականներին նա այստեղ պալատ է կառուցում, որից ոչ հեռու՝ մի քանի տարի անց՝ 1720 թվականին, կառուցվում է Կոնստանտինի պալատը։ 1722 թվականին կայսրը այն նվիրում է իր դստերը՝ Ելիզավետա Պետրովնային, որը 1741 թվականին դառնում է Ռուսաստանի կայսրուհի։ Սակայն ամառային նստավայրը շուտով տեղափոխվում է Պետերգոֆ։
18-րդ դարի վերջին Ռուսաստանի Պավել I կայսրը Ստրելնա քաղաքը նվիրում է իր որդիներից Կոնստանտինին։ Պալատը կոչվում է հենց նրա անունով։ Այն 1750-ական թվականներին այն վերակառուցվում է Բարտոլոմեո Ռոստրելլիի ճարտարապետությամբ, իսկ հրդեհից հետո (1803) վերականգնվում է Անդրեյ Վորոնխինի և Ռուսկա Լուիջիի գլխավորությամբ։ Վերջին կառուցապատումը՝ Քրիստիան Մեյերի, Անդրեյ Բրյուլովի և Անդրեյ Շտակենշնեյդերի ղեկավարությամբ, տեղի է ունենում 1847—1851 թվականներին։ 19-րդ դարի վերջում Ստրելնայում կառուցվում են ամառանոցներ։ 1830-40-ական թվականներին 19 հեկտար տարածքով բացվում է Օռլովի այգին՝ համանուն լճակով և պալատով։
1941—44 թվականներին, Հայրենական Մեծ պատերազմի տարիներին այն գրավվել էր գերմանացիների կողմից, այստեղ կառուցվել էր պլացդարմ՝ Լենինգրադը ռմբակոծելու համար։ Ամբողջությամբ քանդվում է Օռլովի պալատը։ Ստրելնան և հարևան Պետերգոֆը ազատագրվում են Կարմիր բանակի զորամիավորումների կողմից, 1944 թվականի հունվարի 19-ին։ ԽՍՀՄ տարիներին Կոնստանտինի պալատը վերածվել էր դպրոց-ճամբարի, իսկ վերականգնումից հետո (1950-ականներ) այստեղ գտնվում էր Արկտիկայի ուսումնարանը։ 1990-ական թվականներին այն դատարկվում է։ Այսօր՝ 2003 թվականից սկսած, այն վերականգնված է որպես պետական համալիր՝ «Համագումարների պալատ»։ 2006 թվականին այստեղ տեղի է ունեցել Մեծ ութնյակի, 2013 թվականին՝ Մեծ քսանյակի գագաթնաժողովը։
Remove ads
Տնտեսություն
Ստրելնայում գտնվում է գերմանական BSH Bosch und Siemens Hausgeräte GmbH լվացքի մեքենաների և սառնարանների պատրաստման գործարան (2013 թվականից)։ Այն կարևոր էր ոչ միայն Ստրելնայի, այլև ամբողջ Պետրոդվորեցի շրջանի համար[5]։ Նրա փողոցներից մեկը վերանվանվում է Բոշ-Սիմենսի փողոց[6]։ Բացի այդ, 2006 թվականին այստեղ սկսվում է Նոյդորֆի տնտեսական շրջանի կառուցումը։ Ստրելնայի, հարևան Պետերգոֆի և Սանկտ Պետերբուրգի հարակից շրջանների համար կարևոր նշանակություն ունի Լենտա հիպերմարկետը, որը գտնվում է Ստրլենա-Պետերբուրգ սահմանին։
Remove ads
Տեսարժան վայրեր
Պալատներ
- Կոնստանտինի պալատ
- Լվովի պալատ
- Օռլովի պալատ
- Պետրոս Մեծի պալատ
Զբոսայգիներ
- Կոնստանտինի պարտեզ
- Օռլովի պարտեզ
Ծանոթագրություններ
Արտաքին հղումներ
Wikiwand - on
Seamless Wikipedia browsing. On steroids.
Remove ads